Mövsümün ən dəbli təsviri -
aqressiv olan pələng təsviri
demək olar ki, hər yerdə - don,
palto, aksesuar, ayaqqabı,
çanta, alt paltarı, corabların
üzərində əks olunub.
Stil
Pələng təsviri dəbdə olsa belə,
başdan-ayağa pələng təsviri olan
geyimlərə üstünlük vermək
eybəcər görünür, hətta geyiminiz
bahalı olsa belə. Pələng təsvirinə
uyğun gələn ən ideal rəng
qırmızıdır. Əgər pələng təsvirli
don və ya palto geyinmisinizsə,
ayaqqabınız və ya çantanızın
qırmızı və ya hər hansı birçalarlı
başqa rəngdə olmasını təmin
edin.
Forma
Biçimdə əsas aksent çiyinə
vurulur. Həmçinin trapesiya, mini,
maksi, düz siluet dəbdədir. Retro
yenə də qayıdır: mövsümün hiti
sayılan palto; üçdüyməli plaş; dar
dəri şalvar; yuxarısı enli, aşağıya
doğru daralan şalvarlar; corabla
şort, kardiqan (uzun jaket),
çiyinlik, həcmli yaxalıq; dirsəyə
qədər qolu olan uzunboğaz
kofta; düz uzun, maksi, mini,
yubka-karandaş, trapesiya yubka;
qısa, qara paltar.
AyaqqabıAyaqqabı modasında
heç bir ciddi dəyişiklik edilməyib.
Platforma, tanketka və ölümsüz
hündürdaban yenə də dəbdədir.
Rənglərə gəldikdə isə, yaşıl,
bənövşəyi, qırmızı, çəhrayı, göy
rəng aktualdır. Əlavə detal kimi
lent, gipür də işlənə bilər.
Çanta
Yeni mövsümün çantaları həm
forma, həm də material
baxımından fərqlidir. Dəbdə
həmişə olduğu kimi timsah və
piton (isti ölkələrdə yaşayan iri
zəhərsiz ilan) dərisidir. Müasir
dövrdə qadınlar əsasən iri
çantalara - içinə çox şey yerləşən
modellərə üstünlük verirlər.
Parça
Hazırda dəbdə olan parçalar ipək,
məxmər, gipür, atlaz və melanjdır
(müxtəlif hissəli və rəngli lifli
materialdan hazırlanmış parça).
Bər-bəzək
Qadınlar üçün boyunbağı, üzük,
sırğa kimi bərbəzək əşyaları
böyük önəm daşıyır. Yeni
mövsümdə iri bəzək əşyaları
aktualdır. Seçim zamanı qeyri-adi
materiallardan (ağac, polad,
kauçuk) hazırlanmış bəzək
əşyalarına üstünlük verin. Amma
onlar straz və qiymətli daşlarla
bəzədilmiş olmalıdır.
Kəmər
Yeni mövsümdə kəmərsiz
keçinmək