Avropanın iqtisadi nəhəngi olan
Almaniyanın kansleri Angela
Merkelin uşaqlığında başına
gələn əhvalar ona hansı qorxunu
qazandırıb? Və ya Liviya lideri
Müəmmər Qəddafi dünyanın
hansı ölkəsinə gedirsə getsin otel
əvəzinə çadırda yaşamasına
səbəb olan amil nədir? Sadəcə
Merkel və Qəddafi deyil, dünyanın
gələcəyini müəyyənləşdirən
qərarlar verən bir çox dünya
lideri bir-birindən maraqlı
fobiyalara malikdirlər.
Koreyalının uçmaq qorxusu
Bu həftə Şimali Koreya lideri Kim
Yonq İl çİnə rəsmi səfərə gedib.
Kİm hər zaman olduğu kimi
səfərini qatarla etməyə qərar
verib. Ölkəsində “sevgili lider”
olaraq xatirlanan Kim deyilənlərə
görə, 1976-cı ildə ağır
yaralanaraq xilas olduğu
vertolyot qəzası səbəbindən
uçmaq qorxusuna sahibdir.
Şimali Koreya liderinin bu günə
kimi ölkəsindən uzağa etdiyi
səfərlərin sayı çox olmasa da,
onun ən uzaq səfərinin uzunluğu
93 min kilometr məsafədə olan
Moskvaya olub. Kim Moskvaya
səfərini 90 vaqonluq və yeraltı
bazalara gedib-gəlmək üçün
istifadə olunan qatarla edib.
Qapalı yerlərdə qalmaq qorxusu
Deyilənlərə görə, Liviya lideri
Müəmmər Qəddafi qapalı
yerlərdə olduqca narahat olur.
Buna görə, də Qəddafi səfərləri
zamanı otellərdə qalmaq əvəzinə
açıq havada Bədəvi çadırında
qalmağa üstünlük verir. Onun bu
alışqanlığı gedəcəyi ölkələri
heyrətləndirir. 2007-ci ildə Paris
səfəri zamanı bir həftə çadırda
qalan Qəddafi, BMT-nin 2009-cu
ildə keçirilən Baş
Assambleyasında iştirak etmək
üçün Nyu-Yorkda milyarder
Donald Trumpa məxsus
ərazisində qalmaq üçün icazə ala
bilməyib. Buna görə də Qəddafi
Liviya səfirliyinin ərazisində
qalmalı olub.
İtlərdən qorxan kansler
Uşaq vaxtı bir it tərəfindən
dişlənməsi Almaniya kansleri
Angela Merkelin itlərdən
qorxmasına səbəb olub. Merkelin
bu qorxusu yaxşı tanınır. Hətta
xarici dövlətlərin başçıları
tərəfindən ona qarşı istifadə
olunması halları da mövcuddur.
Psixoloji diplomatiyasının ustadı
olan Rusiyanın baş naziri
Vladimir Putin Merkelin