Əziz müsəlmanlar, hamınıza, eləcə də özümə Allahdan qorxmağı nəsihət edirəm! Peyğəmbər (sallallahu aleyhi və səlləm) demişdir:
“Allahı zikr etmək, Onun sevdiyi əməllər, habelə elm öyrədən və elm öyrənən istisna olmaqla, dünya və onun üzərindəkilər lənətlənmişdir.”
Yəni, bu həyatda Allaha yaxınlaşdıran əməllərdən başqa heç bir şeydə xeyir yoxdur. Xeyir ancaq, axirət xeyiridir.
Peyğəmbər (sallallahu aleyhi və səlləm) demişdir: “İçində Allah zikr olunan evlə, zikr olunmayan evin misalı, diri ilə ölünün misalına bənzəyir.”
Demək, ölüləri, ölü qəlbləri dirildən zikrdir.

“Səhər-axşam Rəbbinin adını zikr et!” (İnsan, 25)
“...Bilin ki, qəlblər ancaq Allahı zikr etməklə rahatlıq tapır.” (Rəd, 28)
“...Allahı çox zikr edin ki, bəlkə nicat tapasınız.” (Cumuə, 10)
“...Allahı çox zikr edən kişilər və qadınlar üçün Allah bağışlanma və böyük mükafat hazırlamışdır.” (Əhzab, 35)
“Şeytan onları üstələmiş və Allahı zikr etməyi onlara unutdurmuşdur. Onlar şeytanın firqəsindəndirlər. Şübhəsiz ki, şeytanın firqəsindəkilər ziyana uğrayanlardır.” (Mucadilə, 19)

Hər kəsə hər gün Allahı zikr etmək və Ona dua etmək nəsib olmur. Bir özünüzə sual verin? Görəcəksiniz ki, bəziləriniz, səhər-axşam zikrlərini etmir, bəziləriniz yatağa girəndə edilən zikrləri tərk edir, bəziləriniz namazdan sonrakı zikrləri buraxıb dünya dalınca qaçır, bəziləriniz də o qədər harınlayıb ki, yemək yeyəndə “bismilləh” demək heç yadına düşmür, daha dəqiq desək, etdiyi günahların əvəzi olaraq Allah onu buna müvəffəq etmir. Bilin ki, müvəffəqiyyət hər şeyə qadir olan Allahın Əlindədir. Rəsulullahın (sallallahu aleyhi və səlləm) ən yaxın səhabələrindən olmuş, sağlığında ikən Cənnətlə müjdələnmiş Ömər ibn əl-Xəttab (Allah ondan razı olsun) deyərdi: “Mən duanın necə qəbul olunacağından narahat deyiləm, mən ancaq dua etməyə müvəffəq olacağımdan narahatam. Və əgər dua etməyə müvəffəq olaramsa, onun nəticəsini görməyə də müvəffəq olaram.”
İstəyirsiniz, Allah sizə müvəffəqiyyət versin? Elə isə indi deyəcəyim