Qadın hüqquqları
Vida xütbəsində qadın hüquqları məsələsi xüsusi yer tutur. Çünki, cəmiyyətin təməli ailədir. Qarşılıqlı haqq və vəzifələr, əvvəlcə ailədə tətbiq edilməlidir. RəsulALLAH (s.a.v) bunu önəmlə vurğulayır:“Ey insanlar! Qadınların haqqlarına riayət edin. Bu məslədə ALLAHdan qorxun. Qadınlarınız sizə ALLAHın əmanətidir. Onlarla ALLAH adına söz verərək halal edildiniz. Sizin qadınlar üzərində haqlarınız olduğu kimi onların da sizin üzərinizdə haqları vardır. Sizin qadınlar üzərindəki haqqınız, qadınların ailə şərəfini qoruyaraq sizin bəyənmədiyinizdən uzaq durmasıdır. Əgər onlar razı olmadığınızı ailə yuvanıza gətirərsə, onu qadağan edə bilərsiniz. Onlar sizin haqqınıza riayət etsinlər, siz də onlarla nəzakətlə davranın. Bir qadının ərinin icazəsi olmadan, onun malından bir şeyi başqasına verməsi halal olmaz”. Qadının ailədə və cəmiyyətdəki yerinin, yüksək şərəfinin ifadəsi, onun “ALLAHın əmanəti” kimi tanınmasıdır. ALLAHın əmanətinə münasibət isə məlumdur.

Sevgili Peyğəmbərimiz (s.a.v) bir mübarək sözlərində “Cənnət anaların ayaqları altındadır”, buyuraraq qadının ülvi yerini tərif etmişdir. Həqiqətən İslamın qadına verdiyi yer və dəyəri heç bir bəşəri din, dünyagörüşü və ya sistem verə bilməmişdir. Qadın hüquqlarını qorumaq adıyla qadın-kişi bərabərliyini müdafiə edənlər, əslində qadını fitri vəzifəsindən ayırıb onu cəmiyyətdə şərəfi ayaqlar altına atılan zavallı bir məxluq vəziyyətinə salırlar. Qadın ilə kişi nə psixoloji, nə də bioloji baxımdan eyni olmadıqları kimi, vəzifələri də fərqlidir. Su kimi aydın olan bu gerçəklərin əleyhinə olan düşüncələr, elmi əsasdan məhrum, faktlara zidd olan subyektiv iddialardır. Əslində qadını kölələşdirən, onu bir əyləncə vasitəsi halına gətirən bu anlayış, müstəmləkəçiliyin və istismarın əsasında dayanır. Bu gün dünyada olan vəziyyət, bu baxımdan çox acınacaqlıdır. Qadınla kişinin yaradılışa uyğun olaraq vəzifələri fərqlidir. Hər biri özlərinə tanınan vəzifələr və haqlar istiqamətində həyatlarını davam