Nə çox darıxmışam sənin üçün... Rüzgar olub saçlarına toxunmaq üçün darıxmışam... Gecə yarısı gözlərin gəlir ağlıma bir ulduz kimi. Gözlərində sanki bir gecə gizli. Gözbəbəklərində isə ulduzların ən gözəli parlayır... ətrini çəkirəm içimə... Gözlərinə dalıram gözbəbəklərində bir ömür boyu yaşayıb sevginlə alov alov yanmaq üçün... Aman Allahım, bədəninin ovsunlayıcı ətri... Məst oldum bir an sənə... Yenidən aşiq oluram sənə. .Yenidən sevirəm səni... Elə vurulmuşam ki sənə... Tərif edilməz duyğuların içində sevgini cəkirəm içimə...Sənin ürəyində tapdım baharları...

Nə çox sevmişəm Səni... həsrətinlə yandığım, sevginə susadığım təklik çöllərində damla-damla içimə çəkdiyim, ürəyimə adını böyük hərflərlə yazdığım canımsan sən...

Yuxuya həsrət gözlərimi yuman kimi xəyallarıma gəlirsən. Heyran- heyran baxıram sənə. Çəmənlərin ən gözəl çiçəklərini yığıb tac edirsən saçlarıma. Əllərinin toxunuşunu, nəfəsinin istisini hiss edirəm... Offf ya, oyanmaq istəmirəm xəyallarımdan.
Tam xəyallarımdan oyanıb gözlərimi günəşə çevirmişkən ağlıma gəlir həsrətin. Amma xoşbəxtəm. Bu gün həsrətin son günüdü. Gəlirsən bu gün - həsrətinə son qoymaq üçün... Getdiyin diyarlardan məni də yanına aparmaq üçün gəlirsən. Tərifi olmayan bir həyəcan var ürəyimdə. Gözləyirəm səni. Sən gələcəksən deyə bir yerdə dayana bilmirəm.

Bir an nərdivanlardan bir səs eşidirəm. Ayaq səsidi bu. Aman Allahım... Həyəcanım daha da artır. Tərlədiyimi, əllərimə bir titrəyişin girdiyini hiss edirəm. Ürkək ceyran kimi titrəyir ürəyim. Dilim susayarkən ürəyimin bütün hüceyrələri sevginlə coşub-daşır. Sanki bu gün dəniz bütün dalğalarını mənə verib. Sanki qaranlıq gecə bütün ulduzlarını gözlərimə bağışlayıb. Gözlərimin içi ışıl-ışıl yanır. Sən gəlirsən axı... Xoşbəxtliyimi qarşılayacağam bu gün.
Gözlədiyim gün gəldi sonunda. Çəkdiyimiz həsrətin ağrısı bitir bu gün.
Səni çox sevirəm. Sən mənimsən -canımsan, mən səninəm- canınam.

Tanrı bizi ayırmasın...!