ı bacarıram. Təbii ki, istəsən sendviç də olar!
Mariya yenə zorla gülümsəyərək seçimi ona buraxdığını asta və mülayim səslə bildirdi. Adrian onun bu cavabından razı qalmışcasına gülümsədi və yanından keçib makaronları qaynatmaq üçün bir qazan götürmək istəyərkən Mariyanın qulağına tərəf əyilib "saata tez tez baxma, əsəblərimə toxunur" deyə pıçıldadı. Mariya bu cümləni eşidən zaman ürək ritminin necə birdən birə artdığını hiss etdi. Ürəyi elə möhkəm və sürətlə çırpınırdı ki, o, döyüntülərin səsini eşidə bilirdi.Adrian rəngi çatmış Mariyanın üzünə baxıb möhkəm güldü
- Aman Tanrım,səninlə heç kəs zarafat etməyib?
Mariya qorxduğunu çox biruzə vermək istəmədiyindən ona qoşularaq güldü. Dəqiqələr bir birini qovaladıqca zaman Mariyanın təxəyyülündə daha ağır irəliləməyə başlayırdı. Adrian Mariyana mətbəxtə heç bir iş görməməsini, sadəcə masada əyləşib onunla söhbətləşməsini rica etmişdi. O, əlindəki boşqab və çəngəlləri masaya xüsusi səliqə və dəqiqliklə yerləşdirdikcə Mariya onun əllərinin, dırnaqlarının necə bu qədər səliqəli,dərisinin haradasa gözəl deyilə biləcək qədər hamar ola bildiyinə heyrətlə baxırdı..
- Okeyy, indi isə servis zamanıdır!
Adrian başını itirmiş kimi amma bir o qədər də dəqiqliklə işləri ardı ardına sıralayırdı. Mariya qarşısında oturduğu pəncərədən güllərlə dolu həyətə baxan zaman, bu gün buraya gəlməzdən əvvəl Adrianla ikisinin həyətdən birlikdə uzaqlaşdıqlarını görən zaman onlara acıqla baxıb başını yelləyən Edvardı xatırladı..Görəsən ikisi arasında nə baş vermişdi?Hansı tərəf haqlı idi? Nə idi bu kəskin qütbləşmənin səbəbi?
- Vəəə, buduuur! Şef Adrianın əllərindən şahəsəər!
Mariya masanın ortasına qoyulan böyük buludun içərisindəki makaronları görən zaman necə reaksiya verəcəyini bilmədi.Deyəcəyi hər hansısa bir sözün qarşı tərəfdə yaradacağı təsiri tam olaraq təxmin edə bilmirdi artıq. Ona görədə susub, mimikaları ilə təsirlənmiş kimi emosiyalar yaratmağa çalışdı.
- Adrian qaşıqla makaronları götürməyə çalışsa da bu mümkün olmadı.Bu