Bəzən ensiklopediyalarda və atlaslarda da hərf və rəqəm səhvləri olur. Çox maraqlı və məzəli bir səhv XIX əsrin əvvəllində, fransız coğrafi atlasında baş vermişdir. Coğrafiyaçı Malt-Brenn çapa hazırlanan öz mətnini oxuyarkən görür ki, mətni yığan şəxs hündürlüyü 3600 fut olan dağı, atlasda 36 futluq təpə kimi göstərib. O, çatışmayan sıfırları əlavə edərək, mətni yenidən nəşriyyata göndərir. Təkrar yoxlamada coğrafiyaçı dağın hündürlüyünün 36000 futa çatdığını görüb, dəhşətə gəlir, səhvi düzəldərək qaytarır. Çapa bir gün qalmış, o yenə də başıbəlalı səhifəni yoxlayır, və bəli, yenə də dağın hündürlüyü səhv göstərilib – indi o göyə doğru 36 milyon fut ucalır. Özündən çıxan coğrafiyaçı səhifədə yazır: “36 milyon eşşək!!! Dağın hündürlüyü 3600 futdur!”, və əsəbi halda çıxıb evinə gedir. Mətni çapa verən şəxs diqqətlə düzəlişi oxuyur, bir şey başa düşmür, amma belə qərara gəlir ki, belə xırda iş üçün cənab alimi narahat etməyə dəyməz, özüm birtəhər düzəldərəm. Nəticədə, çapdan çıxan hazır atlasda biıdirilir ki, bu dağın hündürlüyü 36 million futdur, onun zirvəsində çəmənlik var, və bu çəmənlikdə 36 milyon dağ eşşəyi otlayır