qutusuna atmaq ağılsızlıqdır. Bir halda ki, o , öz gözəlliyi və ağlı ilə ofsunlayan Demi'yə rast gəlib, o zaman bu sözü pozmağın əsl vaxtıdır.
- Castin, gəl, qorxma, əlimi tut, səni qaldıracağam!
Castinin yüksəklik qorxusunun olması, yamacın maili tərəfilə getdikləri üçün hər an gerçəkləşə biləcək sürüşmə təhlükəsinı artırır, bu da öz növbəsində Castini daha çox qorxudurdu . Nə qədər bildirməyə çalışmasa da, düşüncəli dostu Benjamin Castinin illər əvvəl etdiyi bu etirafını ağlında tutmuşdu.
- Bəylərr! Vəəə möhtəşəm ana bir addım daha yaxınlaşdıq! Ümid edirəm nə diləyəcəyinizi artıq qərarlaşdırmısınız!
Qəsəbədə belə bir inanc var idi ki, hər il cəmi bircə dəfə gecə saat üç tamamda gerçəkləşən böyük və ən parlaq ulduzun sürüşməsi, qəlbinizdə tutduğunuz ən imkansız arzuları belə reallığa çevirə biləcək gücdədir. Hamısı bir birinin yanında sıralanmış şəkildə uzanaraq dərindən nəfəs alıb düz təpədə yerini rahatlamış aya və ətrafında səpələnmiş sayısız ulduza heyranlıqla baxdı. Sərxoşluğun verdiyi xəfif baş dönməsi görüntünü biraz bulanıqlaşdırsa da qarşısında aciz qaldıqları bu möhtəşəm mənzərə , meşənin dərinliklərindən eşidilən müxtəlif böcək səsləri ilə biraz ürküdücü, eyni zamanda tərfisiz bir dinclik yaratmışdı. Benjamin lağ edici səs tonu ilə sükutu pozdu:
- Yəni həqiqətən inanırsınız ki, bu gerçəkdir?
- Hə, hə - Aleks qəti səs tonu ilə cavablandırdı- mən əminəm, nənəm hər zaman bu cür nağıl və əfsanələrin kökündə mütləq bir həqiqətin dayandığını deyərdi. Amma əsas məsələ bunu həqiqətən arzulamaq və diləyinə laiq ola biləcək qədər yaxşı biri olmağındadır.
- Yaxşı, bilici, de görək nə arzulamısan?
- Yox, yox, bunu demək qəti qadağandır. Əfsanədə deyilirdi ki, tutduğun diləyi qəlbinin döyüntüsündən və əsən küləyin qulağından başqa heçnə , heç kəs bilməməlidir..
- İlahi, sən ciddisən? Yox yəni sənin nə qədər rahatına düşgün, gününü gün edən biri olduğunu bilməsəm, həqiqətən, əfsanələrə inanacaq qədər uşaqruhlu olduğunu düşünməyə başlayacaqdım.
-