- Unutma,dostum, hər kəsin gizlədiyi bir yanı var. Nə isə , çox danışma, son dörd dəqiqə qalıb, hamı üç tamamda arzusunu tutub sürüşən ya da parıldayan ulduzu görməzdən əvvəl gözlərini yumsun.
- Görməzdən? Birdən parıldamadı ya da sürüşmədi? Mən hardan bilim ki, bu olub? Belə şübhə ilə adam dəli olar ki!
- Benjamin!
- Yaxşı, yaxşı susdum. Castin, sən hazırsan?
- Ahh, o hər zaman hazırdır, mən arzulayacağam ki, səhər oyanıb Castini gözəl bir qız olaraq yanımda uzanan görüm. Əgər bu gerçəkləşsə, söz verirəm onunla evlənəcəyəm! Bu qədər incə ruh, gözəl bədənlə birləşsə..! - Robert dişlərini qıcayıb gülərək dedi.
Onun bu sözləri dostların hamısının üzünü güldürdü. Hətta Castinin də.
- Hə - Dedi Castin, lağlağı ilə - pis fikir deyil. Evlənmə təklifin ürəyimcə olsa niyə də yox?!
- Diqqəəəət! Son bir dəqiqə, arzunuzu tutun, getdik!
Castin Aleksin dediyi son cümləyə əhəmiyyət verməyərək edilən axırıncı zarafatı öz özünə təkrarlayaraq : "Qız olsam aa! Sözə bax" deyib gözlərini yumaraq gülərkən göydə görünən ən kiçik ulduzun böyük şövqlə parıldadığını