? Çıxanda da atam ötürdü sizi.
- Hə, hə. O mən idim. Şadam ki, diqqətinizi cəlb etmişəm... Necəsiz, nə var, nə yox?
- ...
- Deyəsən, evdə təksiz, hə?
- ...
- Nə əcəb evdən çıxmırsız, dörd divar arasında dərd adamı öldürər e, lap.
- İnarə ürəyinin döyüntüsnü eşidirdi. Dünən onu görəndə bir də heç vaxt görə bilməyəcəyi qənaətindən məyus olmuşdur.
Düşünmüşdü ki, son dərəcə qapalı olan, oğlanlarla heç vaxt dostluq münasibəti qurmayan, onlardan daim uzaq qaçan, bacısının ərə getdikdən sonra kiminləsə yaxın əlaqəyə girməsi, hətta onun maşınına oturması müəmması heç vaxt açılmayacaq.
Amma budur, Rza adlanan o oğlan zəng eləmişdi. Dil-boğaza qoymadan danışırdı..
Bilirsiz, çox ağır dərtdir. Sizi başa düşürəm. İlahə kimi bacını itirmək sizinçün çox ağırdır. Onunçün də indi kəlmə kəsmək istəmirsiz.
- ...
- Ancaq mənimlə bölüşə bilərsiz, ürəyiniz boşalar, dərdiniz yüngülləşər.
- ...
İnarənin aləmində bu adam kim idisə, yalnız var-dövlət üstünlüynə malik deyildi. Çünki bacısı dünya malına baxan olsaydı, heç Ramilə getməzdi.
- Alo. Yaxşı. İstəmirsizsə, daha zəng edib sizi narahat etmərəm. Mən sadəcə, zəng etmişdim ki...
İnarə qorxdu. Qorxdu ki, birdən Rza dəstəyi atar, daha zəng eləməz. Həyəcanla ,,Siz İlahəylə dostluq etmisiz?,, deyə soruşdu.
Rza təəccübləndi..
- Bunu siz hardan bilirsiz ki?
İnarənin cavabı ani gəldi..
- İlahənin sinif yoldaşı Reyhan dedi.
Rza İlahəgilin ailəsinin onların münasibətlərindən xəbər tutmalarını heç istəməzdi. İlahə münasibətləri danışmışdı görəsən? Nələri söyləmiş, nələri gizlətmişdi?
Amma İnarə Reyhanın adını çəkəndə Rza nisbətən sakitləşdi. Demək ailələri bunların münasibətləri barədə heç nə bilmirmiş... Yaxşı bəs Reyhan kim idi? O hardan bilirdi bu gizlinləri?
Odur ki, dərhal soruşdu..
- Yaxşı, bəs o hardan bilir ki?
İnarənin səsi də İlahənin səsinin bənzəri idi. Azacıq cingiltisi var idi ki, bu da nisbətən gənc olmasıyla, yaşıyla, bəlkə də subaylığı ilə bağlıydı, yəqin.
-... Onlar son zəng günü həmişə yığışırlar axı.