Yəni, doğurdanmı, həyat eləcə üç mərhələdən ibarətdir? Gəldin, gördün və getdin?
Abbasovlar ailəsinin mənzilinin qızlara ayrılmış otağı... Daha bu otaqda İlahəni xatırladacaq heç nə qalmamışdı... Yalnız fotoalbomdakıailəvi şəkillər idi, vəssalam...
Raislə Güllü indi qan ağlayır, qızları ilə barışmadığına görə özlərini qınayırdılar. Vaxtilə bu otaq ağzına kimi İlahə üçün alınmış cehizlə dolu idi. İynə-sapından tutmuş hələ qurulmamış, qablaşmış vəziyyətdə yumşaq mebelinəcən hər şey İlahəylə Ayazın toy gününü gözləyirdi....
İlahənin gözlənilməz hərəkətindən sonra Rais bircə günə evi boşaltdırmış, aldiqlarının bəzilərini geri qaytarmış, xırda-xuruşları qonum-qonşuya vermişdi...
İlahənin öz əşyalarını da evdən çıxartdırmışdı.
Güllü öncə buna razılıq verməsə də, Raisin qan daman gözlərini görəndə çar-naçar razılaşmışdı... Qızın bezi şeylərini, ətri, nazik boyunbağısı, təkqaş üzüyü, kosmetik vasitələri, kitab-dəftəri və diş fırçası, Güllü heç olmasa bunları qorumaq istəmişdi, bir torbaya yığıb baş verənləri hıcqıraraq seyr edən İnarəyə verdi ki, gizlətsin, ancaq Rais xəbər tutmuş, bu torbanı da, yük maşınına tullamışdı...
İlahə ,,İris,, konfetlərini çox sevərdi. Hər dəfə özünə ,,İris,, aldırardı, ciblərinə doldurub bütün günü yeyərdi. Evin hər küncündən, hətta döşəyinin altından konfet kağızları yığışdıran anası onu hey danlayardı...
Mətbəxdəki iri qənddan onunku idi, həmişə içi ,,İris,,lə dolu oardı. Həmin gün Rais qəzəblə həmin qənddanı götrüb atmışdı.
İndi onların yeganə təsəlliləri bir qəbir idi, birdə fotoşəkillər. İnarə ağlaya-ağlaya onları əlindən yerə qoymurdu. İlahə bütün şəkillərdə gülümsəyirdi... Ölümünə gülümsəyirmiş kimi...
Bu şaxta babayla olan şəkli bacılar sirkdə çəkdirmişdilər. Şaxta baba ən yaxşı şeir söyləyənə, rəks edənə, mahnıoxuyana hədiyyə verəcəyini elan edəndə İnarə dərhal səhnəyə qaçmış ,,Kukla,, mahnısını oxumuşdu.. O hədiyyəsini alıb çıxandan sonra səhəyə o qədər uşaq cummuşdu ki, Şaxta baba müsabiqəni dayandırmalı olmuşdu. İnarə öz