tapa bilmirdi. Amma deyirdi ki, artıq nəyisə dəyişmək gecdir. Eh... Kaş ki biləydim özünə qəsd edəcək... Kaş ki biləydim...
İnarə yenə hıcqırdı..
- İnanmağım gəlmir bütün bunlara.
Rza daha bir siqaret yandırdı, dərin qullab vurdu.
- İnşallah, haçansa görüşəndə sənə baş verənləri danışaram. Mənim hərşeyim var, milyonlarım, obyektlərim, villalarım,maşınlarım, nə bilim e, hər şeyim. Təkcə İlahə yoxdur. Sən bilməzsən mən onu necə sevirdim. Həyatımda rastıma çıxan ən gözəl xanım olub İlahə... Onun yoxluğuna inan ki, dözə bilmirəm....
Siqretin tüstüsünü ciyərinə çəkb davam etdi..
- Səni görəndə əvvəl elə bildim, məni qara basır. Sən eynən ona bənzəyirsən... Mənə elə gəlir ki, sən həssas qızsan.. Mənim necə dərdli olduğumu duyursan. Görüşsəydik dərdimi sənə danışardım, yüngülləşərdim. Haçan görüşə bilərik?
İnarə tutuldu..
- Bu,vacib deyil.
Rza həmləyə kecdi..
Niyə? Sən İlahə haqqında həqiqəti bilmək istəmirsən? Onu itirmisən, ağırdır sənin üçün. Ancaq bura gəlsən, bu yerlərdə olsan, elə biləcəksən ki, yenidən onunlasan. İlahənin ruhu bu həyətdədir, gəzib dolaşır. Dedim sənə bayaq, bacım Aynurəylə rəfiqə idilər. Elə bizi də bacım tanış etmişdi. Gəlsən, Aynurə sənə İlahə barədə danışar.
İnarə Rzanın həmləsi qarşısında çaş-baş qalmışdı, bilmirdi nə cavab versin. Bilmirdi razılaşsınmı, razılaşmasınmı. Axı onun ən böyük arzusu idi bacısının özü ilə qəbrə apardığı sirrini bilmək. Ancaq ata-anasına nə desin? Desin hara gedirəm? Desin İlahənin ərindən başqa görüşdüyü olub, onunla danışmağa gedirəm?
- Bilirsiz, Rza, bu düzgün çıxmaz. Mən axı necə gəlim?
- Nə düzgün çıxmır e? Bacının evinə gəlirsən də. Onun sevdiyi ilə söhbətləşməyə gəlirsən də.
- Yox, Rza... Bu, düzgün Ümumiyyətlə, bu, düzgün deyil. Bacım rəhmətə gedib. Onun kimləsə münasibətdə olmasından dəm vurmaq səhvdir axı. Əxlaqa ziddir. Siz bizim ailəmizi, ata-anamıda düşünün. Onsuz da ürəkləri yaralıdır. Xahiş edirəm, gəlin bu söhbəti bağlayaq. Bir bacı kimi sizdən rica edirəm, əgər İlahəni doğrudanda