a sevmisizsə, onun ruhu xatirinə, bu söhbəti heç yerdə eləməyin. Yazıqdır, qoyun o dünyada rahat yatsın, lənətlənməsin.
İnarə hıcqırdı,əlləri ilə gözünü sildi.
Rza isə heç cür təslim olmaq istəmirdi.
- Canım, burda nə var axı?! Söhbəti onsuz da,hamıdan gözləyirik də. Aləmə car çəkəsi deyilik ki?! Nə papan biləcək, nə maman. Təbii, istəmərəm bacın barədə həqiqətləri başqaları bilsin. Amma sən bilsən, yaxşıdır. Bizim sirrimizi, sevgi dolu dünyamızı, istəyirəm, sənə açıqlayım. Sən sevgilimin bacısısan, məni özünə qardaş say. Heç nədən çəkinib eləmə.
- Yox bilirsiz...
- Səninçün də rahat olacaq. Gəlib İlahənin ruhuyla danışarsan, yüngülləşərsən.
- Yox, axı...
- Mənə də səni görmək bir təsəlli olar...
- Bilirsiz...
- Sən vaxtını və yerini de, gəlib səni götürüm, cəmi üç-dörd saata da geri qaytarım.
- Rza, yox. Evdə nə deyəcəm?
- Birlikdə bir bəhanə fikrləşib taparıq. Sabah gəlim?
- Yox, sabah yox...
- Onda birisi gün. Saat neçədə və harda?
- Siz lap...
- Saat on bir səni qane edir?
- On bir də universitetdə olacam. Sessiyamız başlayıb.
- Bəs neçədə?
İnarə təslim olması ilə, razılaşaraq astaca dedi..
- Saat birdə.
- Harada?
Azacıq düşünüb bu dəfə lap pıçıldadı..
- ,,İyirmi yanvar,,da ,,Şollar,, suyunun yekə reklamı var, onun qarşısında.
Yalnız Rzayla sağollaşıb dəstəyi yerinə qoyduqdan sonra İnarə nə iş tutduğunun fərqinə varmağa başladı. Bacısı rəhmətə gedib, hələ heç yeddisi çıxmayıb, ancaq o özü də, dyikli ola-ola başqasıyla görüşür, ona qoşulub Sumqayıtın hansısa bir qəsəbəsinə gedir... Ən pisi də odur ki, həmin başqası bundan öncə onun ərdə olan rəhmətlik bacısıyla da görüşürmüş... Hələ deyilənə görə, aralarında dostluq da yox, lap sevgi əlaqələri varmış...
Eşidən-bilən olsa, nələr baş verər? Adamın üzünə tüpürməzlərmi?
İnarə firini dağıtmaq üçün yenidən şəkillərə üz tutdu.
Bu şəkil Reyhanın ad günündə çəkdirmişdilər. İlahə Ayazla deyikli olduğu üçün valideyinləri İnarəni də ona qoşmuşdular ki, tək getməsin... Bütün məclis boyu Azər gözünü