,,Çox xoşbəxtəm, İnarə. Sevib-sevilmək heç bilrsən , necə gözəldi?! Bu gün dərsimiz boş idi, Ramilin təkidiylə bulvara düşdük. Əl-ələ tutub bulvarın bu başından o başınacan getdik. Bilirsən, addımlarımıza fikir verirdim, ikimizdə eyni vaxtda sağ ayağımızı, eyni fasilədən sonra sol ayağımızı atırdıq. Addımlarımızla ürəyimizin döyüntüsü də ahəng təşkil edirdi...
...Bu gün kinoya getmişdik, ,,Azərbaycan,, kinoteatrına. Melaodram idi. Qəribə də adı var idi.. ,,Sənə hər şey, mənə heç nə,, Filmdə oğlanın valideyinləri imkanlı idilər. Ona izn vermədilər yoxsul ailədən olan qızı alsın. O da acizlik göstərib geri çəkildi, valideyinlərinin təhriki ilə başqasını aldı. Ancaq xoşbəxt olmadı. Canım bacım mən oğlan olsaydım, heç vaxt belə iş tutmazdım. Sonadək sevgim uğurunda mübarizə aparardım...
...Bilirsən nə olub bu gün, Azər dalımca universitetə gəlmişdi. İcazə alıb məni dəhlizə çxartdı. Dedi son dəfə sənin ayağına gəlmişəm, daşə ətəyindən tök, sevgimi cavabsız qoyma! Dedi səni xoşbəxt etmək üçün hər cür şəraitimiz var. İnanmazsan, qədimi, əntiq brilyant komplekt çıxarıb dedi ki, bunun azı on min dollar qiyməti var, Çar qızılıdır, babamın anasından yadigardır. Nənəm əhd edib ki, bu gözəllik Azərin həyat yoldaşına qismət olsun...Məncə, xoşbəxtliyi heç bir daş-qaşla qazanmaq mümkün deyil.
...İnarəm, bu vərəqləri görürsən nə hala düşüb? Gündə azı onları açıb bir-iki dəfə oxumasam, Ürəyim partlayar. Ramilin sevgi etiraflarıdır e.
<<Əziz Ilahə. Səni sevirəm. Canımdanda çox. Əgər mənə desələr ki, ya sevmədən yaşamağı götür, ya da sevərək ölməyi, mən ikincini götürərəm... Qurban olum sənə, bu odlu, atəşli sevgimi cavabsız qoyma...18 mart 1994-cü il>>.
...Canım bacım bu gün Ramil məndən incidi. Sabah Sevgililər günüdür axı. Qizlarımıza sabah hədiyə alınacaq. Ramilin imkansız olduğunu bilirsən də. İstəyir ki bütün dünyanı mənə hədiyyə etsin. Atamın verdiyi pullardan yüz dollar düzəltmişdim, ona verdim ki sabah mənə hədiyyə alsın... Dəhşət incidi məndən. bıçaq vursaydın qanı