damardı... Dərsdən də, yarımçıq getdi... Çox peşmanam, ama məni də başa düş. Qızların içində əsgilmək istəmirəm...
Bacım, təzə xəbər var e, şoka düşəcəksən. Azər Reyhana ürəyini açıb. Nişanlanacaqlar bu gün-sabah. Ağlına gələrdi heç? Reyhan qanad açıb uçur sanki. Çox xoşbəxtdir. Qəribədir, guya bilmirdi Azərin məni sevdiyini. Məktəb illərindən Azərin mənə olan sevgisini detallarına qədər ona söyləmişdim, özü də hər şeyə şahid idi. Azər düz iş görmədi, nakişilik etdi. Mənə yanmışlıq vermək üçün ən yaxın rəfiqəmə eşq elan etməsinə başqa cür ad qoya bilmirəm.
...İniş, canım bacım. Mən bilirəm, Ramillə ailə qurmaq istəyim ataya, anaya çox pis təsir edəcək. Özün gözəl bilirsən onları neçə istədiyimi, hörmətlərini saxladığımı... Ancaq nə yazıq ki, hislərimi, ağlımı idarə edə bilmirəm. Sevgi məni mənim özümdən alıb. Sonu nə olursa olsun, hansı məhrumiyyətlərə tuş gəlirəmsə-gəlim, mən sabahımı Ramillə görürəm...
İnarə müxtəlif dövrlərdə bacısının söylədiklərinin birər-birər xatırlamaöa çalışır, onun intihar səbəblərinin tam müəmmaya büründüyünə bir daha əmin olurdu. Bir işıq ucu axtarırdı ki, onun son addımının səbəbini təxmin etsin...
Bir azdan Rza ilə göruşəcək, Sumqayıta gedəcəkdilər. Bir azdan bacısının yaşadığı evi həyət-bacanı görəcəkdi. Bəlkə, bundan sonra qəlbini didən suallara cavab tapacaqdı... Onun da, valideyinlərinin də içini doğrayır, didib-dağıdırdı bu sual. Hərə özündən bir şey uydurub danışırdı.
Bircə bu müəmma açılaydı... Bircə biləydi ki, sevimli bacısı niyə onları gözükölgəli elədi. Niyə rahat həyatlarını onsuz da qarışdırmışdı, indisə darmadağın etdi?
,,20 Yanvar,, metrostansiyasının çıxışındakı iri ,,Şollar suyu,, reklam lövhəsinin düz qarşısında dayanan ,,Range Rover,, yenə də alışıb yanırdı. Rza İnarəni görcək, arxa qapını açıb qızın ,,Salam,, kəlməsinə ,,Əleykümə,, cavabı verərək onun arxa oturacaqda oturmasını baxışları ilə müşayiət elədi. Sonra yerinə keçib arxaya çevrildi, ,,Necəsən,, sualını verdi. ,,Yaxşıyam çox sağ olun,, cavabını