ı alan kimi içini çəkdi..
- Lap narahat idim. Yarım saat keçib. Dedim, birdən gəlməzsən.
İnarə ömründə belə gözəl və rahat avtomobilə minməmişdi. Salondan gözəl ətir qoxusu gəlirdi. Həm də cox sərin idi.
Yerini rahatlayıb əyləşsə də, içində nəsə nigarançılıq var idi. Üstəlik ömründə ilk dəfə valideyinlərini aldatmış, guya Sumqayıta qrup yoldaşının atasının yas mərasiminə gedəcəyini söyləmişdi. Rza mühərriki işə saldı, avtomobil yerindən tərpəndi. Salon güzgüsündən İnarənin təşvişli simasını xeyli gözdən keçirdi. Qız olduqca zövqlə geymişdi. O qədər gözəl görünürdü ki... Ozü də istəmədən ah çəkdi, İlahənin geyim-keçimini xatırladı... Sanki tikan-qanqalın içində tər çiçək idi İlahə.
Özünü saxlaya bilməyib ,,Çox gözəlsən!,, söylədi.
İnarə onu cavablandracaq halda deyildi. Qorxurdu ki tanışlardan kimsə onu görər. Odur ki, başını lap arxaya dayayıb şüşədən görünməməyə çalışırdı.
Bir gözü güzgüdə qalan Rza bunu hiss edib gülümsədi..
- Qorxma şüşələr plyonkalıdır, bayırdan maşının içi görsənmir.
Bunu eşidəndən sonra İnarə nisbətən yüngülləşdi.
Rzanın ,,Neçə saatlıq icazə almısan,, sualına ,,Üç saatlıq,, cavabını verdi. Rza ,,Cəmi üç? Çox azdı axı,, söylədi və dərhal vaxt itkisinə yol verməmək üçün sürəti artırdı.
- Heç cür uzada bilmərik vaxtı?
- Yox, mən valideyinlərimə söz vermişəm.
- Heç, heç, heç?
- Heç.
Rza maqnitolanı işə saldı. Qərb musiqisi idi. Dəyişib lirik bir mahnı qoydu, ,,Brayn Adamsdır,, dedi, ,,Bəyənirsən onu?,,. İnarə ,,Lirik musiqini çox sevirəm, amma daha çox türkləri dinləyirəm,, söylədi. Rza dərhal musiqini
dəyişdi.
İnarənin sanki çiçəyi çırtladı..
- Rafet el Roman. Super oxuyur.Düşündü ki, Rzayla Ayaz müqayisəyəgəlməz dərəcədə fərqlidirlər. Arabir Rza suallar verəndə qısaca cavablandırır, yenidən öz düşüncələrinə qayıdırdı... İlahənin özünü öldürməsi ilə Rzayla münasibətləri doğrudanmı əlaqəli idi?
Rzanın bir gözü salon güzgüsündə - İnarədə idi. Ürəyi həyəcanla vururdu... Həyatında nə qədər qız olmuşdu, saysız-hesabsız... Bakıda,