xarici ölkələrdə ən lüks hotellərdə, ən mənzərəli yerlərdə hiss və ehtrasların ən pik anlarını yaşamışdı. Amma ən sevimli, ən gözəl, ən ideal qızı məhz ucqar qəsəbədə tapmışdı... Onu görəndə ürəyinin həyəcanla vurmasından hiss etmişdi ki, bu, məhz arzuladığı qızdır... İndi budur, ürəyi eynən həminki kimi vurur...
İnarə o qədər gözəl görünürdü ki... Ürkək, qayğılı sifətində içinin nigarançılığı həkk olunmuşdur. Eynən İlahə də həmin oturacaqda oturmuşdur. Amma onda nigarançılıqdan çox həyəcan var idi, təşviş var idi...
Dəhşətdir, adam heç cür inana bilmir ki, İlahə həyatda yoxdur... ,,Cəngəllik gözəli,, adlandırmışdı ilk dəfə görəndə onu.
Avtomobil sürəti azaldıb Sumqayıtın girəcəyindən içəri buruldu...
İndi də Nilufər oxuyurdu.
İnarə köks ötürdü. İlahə də Nilufəri çox bəyənirdi. Saatlarca onu dinləyib gözlərini bir nöqtəyə dikərdi...
Sumqyıtın yolları ilə irəliləyirdilər. Beşmərtəbələr, X-vari işıq dirəkləri, yupyumuru kəsilmiş kolar... Çox səliqəli, təmiz idi şəhər...
İnarə ,,Hələ çox qalıb?,, soruşdu, Rza ,,Yox