n yatağına girir, - hayqıraraq hönkürtü ilə ağlamağa başladı...
Üzünü tutmuşdu, bütün bədəni titrəyir, çiyinləri qalxıb enirdi. Bu hönkürtüdə müdhiş bir faciənin, dözülməz bir ayrılığın və dəhşətli bir tənhalığın dərdi, ələmi var idi.
Onlar artıq masanın arxasında idilər. Rza baş tərəfdə oturmuşdu, ,,Adidas,, idman geyimində idi. Aynurə ilə İnarə üzbəüz əyləşmişdilər. Aynurə salatları tərifləyir, İnarəni məcbur edirdi ki, hər birinin dadına baxsın. İnarə isə fürsət düşdükcə heyranlıqla zala baxırdı. Billur nəhəng çilçıraq, ən son dəb mebellər, qədim Roma tanrılarının heykəlcikləri, adam boyda vazalar...
Aynurə çox istiqanlı qız idi, tay-tuş olardılar, dərhal söhbətləri tutmuş, ünsiyyətləri alınmışdır. Aynurə İlahənin gözəlliyini xeyli tərifləmiş, amma şəraitin girovuna çevrilməsini ehtiyac və sıxıntıdan qovrulmasını da dilə gətirmişdi...
Bu nədir axı, evi dolanışığı olmayan biri birde görürsən gedib imkanlı yerin qızından yapışır. Yağlı dilini işə salır,bir-iki romantik səhnə düzüb qoşur... Qız da qulağıyla sevir axı. Komplimentlərdən hayıl-mayıl olub təslim olur... Aynurə təkidlə sözünü yeritməyə çalışmışdı ki, hər kəs ayağını yorğanına görə uzatmalıdır.. kasıb oğlan kasıb qız, varlı oğlan isə varlı qız almalıdır...
İnarə müəyyən məqamlarda Aynurə ilə razılaşmasa da axıradək mübahisə aparmaq istəməmişdi...
Arada Rza da söhbətə qarışmış, ancaq daha çox Ramili təhqir etmişdi.
Həmin anlarda İnarə özünü çox pis hiss eləmiş, bayaq cəmi 10-15 dəqiqə birlikdə olduqlarına baxmayaraq, kitab kimi oxuduğu Ramilin qəlbinin necə təmiz, sevgisinin necə saf olduğunu isbatlamaq istəmişdi... O indi yüz faiz əmin idi ki, Ramil bacısına heç vaxt, güldən ağır söz deməyib, onu incitməyib... Demək bacısının ölüm səbəbini kənarda axtarmaq lazım idi. Kənara çıxdıqda isə, yalnız Rza ilə münasibət tutalqası var idi.
...Aynurə onu evlə tanış edəndə qəlbini didib-dağıdan fikrlərdən azacıq qopa bilmişdi.......
İnarə bir ara düşündü ki, Rzanın həyat yoldaşı oduqdan, bütün bu