gözəlliklərin sahibəsinə çevrildikdən sonra içndə vicdan əzabı çəkəcək ki, bacısının bədbəxtliyi onun xoşbəxtliyinə səbəb olub... Və bu düşüncədən ürəyi sıxıldı...
Arada Rzanın dalıca iki ortayaşlı kişi gəldi, Rza düşüb onlarla xeyli söhbətləşdi. Aynurə bir türk serialı tapıb ona baxmağa başladı.
Bayaq Ramil ona qara üzlü qalın bir ümumi dəftər vermişdi. Demişdi ki atan məni tutduracaq, bu dəftər yiyəsiz qalmasın, içində İlahəylə bağlı sözlər var, onu mütləq oxu.
İnarə bayaqdan məqam tapmamışdı ki, dəftəri vərəqləsin. Dəftəri götürdü, divana əyləşib vərəqləməyə başladı...
<< Bu da mənim həyatım. Əsl kitab yazılası , kino çəkiləsi bir həyat yaşamışam mən>>
<<... Bu gün yenidən ona ürəyimi aça bilmədim. Yaxınlaşanda dilim söz tutmadı. Yenə döyükə-döyükə qaldım. Deyrəm kaş dil danışmayanda ürək danışardı, sevgini bəyan eləyərdi. Sənsiz mənim üçün nə toy, nə büsat. Sənsiz mənim üçün nə ev nə eşik. Əziz İlahəm, gördüyün kimi,mən dəbdəbə içində yaşayan adam deyiləm... Çox sağ ol ki, pulun hökmranlıq etdiyi belə bir dəhşətli zəmanədə qəlbində bu cür müqəddəs sevgi qoruyub saxlaya bilmisən... Mən sənin fədəkarlığının qarşısında baş əyirəm. Dünyada ən böyük arzum səni xoşbəxt etməkdir...>>
- İnarə bura oxu zalı deyil! Aynurə, sən də buranı kinoteatra çevirmisən.
Rza gəldi. Dərhal da şampanı partlatdı..
- Qızlar, mən bir şüşə çaxırı boşaltmışam, amma sizin heç şampanınızı açmamışam... Gəlin tez gəlin vururuq...
Qulluqçu qadın süfrəyə isti yeməklər düzdü. İnarəylə Anurə də öz yerlərinə keçdilər. Rza qızların bakallarını şampanla doldurdu. Bu dəfə üçlçkdə içirik. Mən doqquzuncu bakalımı da İnarənin sağlığına qaldırmaq istiyrəm...
Rzanın nitqi ağırlaşmışdı, deyəsən çaxır onu tutmuşdu artıq.
- Gələcək həyat yoldaşımın sağlığına içmək istiyrəm! Aynuş, necə dedim.
Aynurə ,,əla,, deyərək bakalları bir-birinə vurdu.
- Mən evə gedəsiyəm, özü də artıq gecdir. Getmək vaxtımdır.
- Pəh bu evə gedir. Səni buraxan var ki?, gecə vaxtı hara gedirsən?, Aynuşunan yatacaqsan,