- İtin küçüyü İlahə niyə özünü öldürdü?! Niyə demirsən?
İki nəfər Ramili şillələyir, yumruqlayır, yerə yıxıldıqda təpikləyirdi.
- Niyə o qız özünü öldürdü?!
- Bilmirəm, vallah bilmirəm!
- Necə yəni bilmirəm?!
Yenidən şillələr, yumruqlar başlayırdı...
Anası ilə Sitalçaya qayıdandan sonra özünü toplamış, hıtta xalasının ərinə qoşularaq balıq tutmağa da getmişdi. Amma cəmi bir gün gücü çatmışdı orda qalmağa. Yenidən qaçıb gəlmişdi. Anası söz salmışdı ki, evə kimsə girib. İlahənin tuflisi və şəkilləri də yoxa çıxıbmış. Evlərinə gəlmişdi ki görsün nə məsələdir.
Elə bil onu gözləyirmişlər kimi, iki nəfər tanımadığı şəxslə İlahənin atası da ardınca içəri keçmişdilər. Həmin o iki nəfər onu vəhşi kimi döyürdü, İlahənin atası da sakitcə seyr edirdi.
- Allaha and osun hər tikəni qulağın boyda eləyərəm! Durduğu yerdə adam özünü öldürməz. Sən oğraş onun əri deyilsən?! Sən də bilməyəndə kim bilməlidir?
-... Vallah bilmirəm.
Ağrıdan qovrula-qovrula.. -Rais əmi, Qurana and olsun, heç nədən xəbərim yoxdur, -deyib imdad dolu keçmiş qaynatasına baxdı.
Rais bir daha ah çəkdi. Ramilə ,,vid fasonuna,, ,,it kökündə yaşamasına,, ,,ayağını yorğanına uyğun uzatmayıb, qızını bədbəxt etməsinə,, görə olmazın söyüşlər yağdırdı...
Rais yenə qışqırdı..
- Axı mən küçəyə çıxa bilmirəm! Hərə bir söz danışır! Heç olmasa, həqiqəti bilsəydim, ağızlarını yumardım. Küçük de ki, onu döyürdüm, incidirdim! De ki gününü cəhənnəm əzabına çevirmişdim! De də! Belə de, bəlkə hamı susa, bizdə rahatlaşaq!!
- Ramil yerdəcə büzüşüb çətinliklə dedi..
- Əlim sınardı ona əl qaldırdığım yerdə.Ancaq belə deməyim sizə bir təsəllidirsə, deyə bilərəm.
Rais aşağı əyilib onun xirtdəyinnən yapışdı..
- Narkoman olduğuvu söylə! De ki, hər gün iynə vururdun, evi dağıdırdın, evdəkiləri söyürdün, döyürdün. De ki, həyat yoldaşım dəfələrlə xəbərdarlıq etmişdi ki, özümü öldürəcəm!
Ramil qorxu və təşviş içində.. -Sizə belə lazımdırsa, deyərəm, -söylədi.
Rais yerə tüpürüb cib telefonuyla nömrə yığdı..
- Alo...