tərəfində gənclər əyləşmişdilər. Rza onlarla arada qədəh-qədəhə vururdu. Ramil işində fasilə yarandığını görüb evin arxasından aralandı, masalara tərəf gəldi.
Rza onu görcək yanına çağırdı. İri kompot stəkanını ağzına kimi araqla doldurub uzatdı..
- Qonşu cərimədəsən vur!
Ramil üzrxahlıq etdi..
- İçən deyiləm.
Rza səsini qaldırdı.
- Qonşu, dedim vurmalısan. Kişinin yubileyidir. Vurmasan olmaz.
Ramil çar-naçar stəkanı başına çəkdi. Rza ona bir dilim xiyar şorabası verib yola saldı.
Yanındakı oğlan.. - Yazığa əziyyət verdin e, lap, -deyəndə Rza ona ikibaşlı cavab verdi..
- Odur yazıq?! Onun necə bir canana əziyət verdiyin görsən, heç belə deməzsən..
Məclis get-gedə qızışırdı. Hamı tost demək, yubilyarı tərifləmək istəyirdi.
Rza yenidən Ramili yanına çağırtdırdı. Yanındakı oğlan Rzanın qoluna toxunaraq, - Rza lazım deyil qoy çıxıb getsin, - söylədi.
Rza başını buladı.
- Sənlik deyil!
Rzanın bir gözü qonşu evdə qalmışdı. İlahəni görmək istəyir, içinin bu istəkdən alışıb yandığını hiss edirdi. Aynurəyə yaxınlaşdı, onun qulağına pıçıldadı ki, get İlahəni öz artırmalarına çıxart, de ki, sənə sözüm var. Aynurə ,,Bu sənin nəyinə lazımdır axı,, soruşanda dedi lazımdı. Ancaq elə et ki, mütləq bura baxsın, - söyləyib bacısını az qla darvazaya tərəf itələdi də.
Aynurənin gedib İlahəni artırmaya çıxarması ilə, Rzanın Ramili ortada oynatmağı eyni vaxta düşdü. Çılğın musiqi sədaları altında hamı əl çalır, sərxoş Ramilin tullanıb-düşməkdən ibarət rəksini alqışlayırdı. Hərdən onun başına şabaş da yağdırırdılar. Ramil səndələyərək əyilib pulları xışmalayır, cibinə basırdı.
İlahə artırmada donub qalmışdı. Rza bir əlliminliyi düz öz qabağına atdı. Ramil bunu görcək dərhal Rzanın qabağında əyildi...
Elə bu vaxt Ramilgilin həyətindən dəhşətli çığırtı eşidildi. Məclis əhlindən bu səsi eşidən olmadı. Yalnız bir gözü İlahədə qalan Rza onun bayıldığından xəbərdar oldu.
Məleykə arvad arxası üstə uzanmış İlahəni silkələyirdi. Ramilə İlahənin başını qucaqlayıb hönkürtü ilə