Yetmiş iki fəda, yetmiş iki can,
Yetmiş iki qurban susuz və ətşan
Olubdu İslamın yolunda qurban
Hüseynim(ə.s qanına qəltan olubdu...

Ayüzlü Əkbərim, körpə Əsğərim,
Abbasım, Qasimim, Ovni, Cəfərim
İmamım, Rəhbərim, Şahım, Sərvərim
Hüseynim(ə.s qanına qəltan olubdu...

Zeynəbin başına küllər ələnib,
RÜbabın balası qana bələnib,
Atılan oxlardan şan-şan dəlinib
Hüseynim(ə.s qanına qəltan olubdu...

Lənətlər Yezıdə, ibni Ziyada,
Şimrə, Hərmələyə, Ömər bin Sada
Can verib Canana yetib murada
Hüseynim(ə.s qanına qəltan olubdu...

Ey Zəhra(s.ə Yusifi, ey Sahibzaman(ə.f!
Ağam! Zuhur eylə, gəl çıx, hardasan!?
Əhli-əyalı olub pərişan
Hüseynim(ə.s qanına qəltan olubdu...