Şəhid qardaş, şəhid qardaş.

Ürəklərdən axır qanlar, Böyük dərddir, düşən anlar,
Yanır xeymə, qəribanlar,
Qaçhaqaçda qalıb çaş-baş,
Şəhid qardaş, şəhid qardaş.

Rəsul oğlu, bəla əhli,
Məhərrəmdə əza əhli,
Əzadarlar cəfa əhli,
Mübarəkdir kəsilmiş baş,
Şəhid qardaş, şəhid qardaş.

Bacı Zeynəb ürək dağlar, “Huseynim vay”- deyib, ağlar,
Əza saxlar, qara bağlar,
Bu dəhşətdə öləydim kaş,
Şəhid qardaş, şəhid qardaş.

Küfr əhli yığıb dəstə,
İmam Səccad yatır xəstə,
Gedir başlar qılınc üstə,
Qurub şadlıq Yəzid əyyaş,
Şəhid qardaş, şəhid qardaş.

Rəsul oğlu susuz, ətşan,
Canın Haqqa verib qurban,
Rəsulullah edib əfğan,
Yağır göydən alovlu daş,
Şəhid qardaş, şəhid qardaş.