ı siz etmisiniz?
Həkim Amal yaşlarında olardı. Işıq kimi parlayan bir cüt gözlər insanda həyat eşqini yaradırdı. Təbəssüm dolu gözlərlə mənə baxıb verdiyi sualı cavablandırdım.
- Hə, amma anası şokda olduğundan konkret necə olduğunu demədi. Mən də çox risk edə bilmədim.
- Narahat olmayın, düz etmisiniz. Olduqca peşəkar. Bunu ancaq həkimlər ya da tibb bacıları edə bilər..
- Mən pediatram
- Doğrudan. Nə gözəl. Hansı xəstəxanada?
Həkim qəribə baxışlarla mənə baxdığından bir az Amala tərəf qısıldım. Amal məndən qabaq bunu hiss etmişdi ki, məni özünə tərəf çəkib.
- İşləmir, biz yeni ailə qurmuşuq. Tanış ol həyat yoldaşım Şəms.. Şəms bu həmkarım Orxan.
- Həyat yoldaşın? ..aaa.. evlənmisən demək. Təbrik edirəm. Şəms xanım, təbriklər.
- Sağolun.
Amalın xüsusi vurğu ilə həyat yoldaşım deməsini kənardan kim görsəydi başa düşərdi ki, qısqanclığından deyir. Düzü bu adamın parlaq baxışlarını üzərimdə hiss etmək mənə heç də xoş gəlməmişdi deyə Amalın mənə belə sahib çıxması xoşuma gəlmişdi. Yeni bir bəlanı uzaq tutmuş oldu.
Orxan uzaqlaşan kimi Amaldan körpəni soruşdum.
- Düz bilmisən, astması varmış.
- Yəqin tez- tez qızdırma ondanmış.
- Hə, həm diş həm astma. Indi yaxşıdır. Amma gərək Sara daima yanında olsun.
- Körpə yaşında bu xəstəliyə tutuldu.. Yazıq Sara.
- Evə getmək istəyirsən aparım ?
- Yox, Sara təkdir. Onu burada beləcə qoymaq istəmirəm. Amma Gülsüm xalaya deməmişəm. Oyanıb görsə yoxam narahat olacaq.
- Mən ona xəbər verərəm. Gəl gedək mənim otağıma. Sara ayılana kimi orada gözlə, dəhlizdə qalma.
Dəhlizdə qalma deməsiylə ətrafa göz gəzdirməsi bir oldu. Məlum idi ki, kimisə axtarır. Və o kimsə el\ə bizə doğru yaxınlaşırdı.
- Gedirsiniz?
- Şəmsi otağıma aparıram.
- Oo xəstəxananın ürək bölməsi uzaqdır. Istəyirsən mənim otağımda gözləsin.
- Xeyr. Gərək yoxdur.
Amalın tonu onu ələ verirdi. Çox əsəbiləşmişdi. Çənəsini sıxıb Orxana qaçını qaldırıb cavab verməsindən bəlli idi. Bu orxan isə deyəsən ya heç nə başa düşməmişdi, ya