ə çatdı. Sən bilirsən, qızılgülün biri neçəyədir?
-Qızılgül demişkən, mən başa düşmədim, səhər saat səkkizdə hansı gül dükanı açıq olur?
İsmayılın bu sualına Əli ilə Yusif bir-birilərinə baxıb qımışdılar. Yusif gülə-gülə:
-Üzümünü ye, bağını soruşma.-dedi.
İsmayıl çaşbaş şəkildə onlara baxdı.
-Nədir, hərbi sirr zaddır?
Əli Yusifə göz vuraraq:
-De də, səncanı, ürəyini partlatma.-dedi.
-Hərbir sirr deyil, qonşu sirridir.
İsmayıl yenə də heç nə başa düşmədən onlara baxdı. Əli Yusifin nəsə deməyini gözləmədən:
-Əşi, bunların qonşularının bir gül mağazası var. Bu da hər il belə bayramlarda, bir də sevgililərinin ad günlərində bir gün əvvəl gülü seçib gətirir evə. Səhər saat yeddidə də qonşunun qapısını döyür ki, al bu gülü bəzə.
Axır ki, istədiyi cavabı alan İsmayıl yerini rahatladı.
-Belə deyin də.
Yusif zarafatla qolunu onun qoluna vurdu:
-Lazım olsa, de. Qonşumuzdur, sənə də təşkil eləyər.
-Niyə lazım olsun ki?-İsmayıl narahat halda yerində qurdalandı.
-Baxma, lazım olar.-Yusif əl çəkmək istəmirdi.
Elə bu vaxt Zivər müəllimə sinfə girdi. Hər kəs öz yerinə keçdi. Ənənəvi salamlaşmadan sonra onun gözü Əliyə sataşdı.
-Alişka, şto sluçilos?
Əli gözlərini qaçıraraq:
-Heç müəllimə, elə-belə.-dedi.
-Kak elə-belə? Kiminləsə dalaşmısan?
Mehdi adəti üzrə yenə özgənin yerinə dilləndi:
-Yox müəllimə, Əli heç vaxt dalaşmır ki, dalaşanları ayırır.
-Kim dalaşmışdı yenə?
-Ayanın qardaşı.
Əli dirsəyi ilə Mehdinin qoluna vurdu. Ayan da dönüb tərs-tərs ona baxdı. Zivər müəllimə isə, deyəsən, hələ də başa düşməmişdi.
-Ayanın qardaşıyla dalaşmısan?
Yusif dodağının altında mızıldandı:
-Hmm, deyirdi ki, bacımdan uzaq dur.
-Xeyr müəllimə, Ayanın qardaşı uşaqlarla dalaşırdı. Mən də istədim ki, ayırım, belə oldu.
-A, tak skazat.—Zivər müəllimə jurnalı vərəqləyə-vərəqləyə başını yellədi.
Beləcə bu dərs Əlinin qəhrəmanlığından başlayıb Zivər müəllimənin sinif oğlanlarına əsəbləşməsi ilə bitdi.Daha bir neçə həftə keçdi. Havaların get-gedə soyuması payızı