düöndü:
-Bə..bə..bəli?
-A bala, keç içəri, qapını ört!
-Yaxşı müəllimə,-desə də Kənan yerində irəli-geri vurnuxurdu.
-Ay Kənan! Xvatit də, yerinə keç!-Zivər müəllimə bu dəfə həqiqətən hirsləndi.
Uşaqlar gülüşürdülər. Kənan qapını örtüb yerinə keçsə də, fikri hələ də bayaqkı qızın yanında idi. Bədənində qəribə bir titrətmə, ürəyində qəribə bir həyəcan yaranmışdı.

Sonuncu saat İnformatika idi. Lakin tənəffüs hələ bitmədiyindən dəhlizlər səs-küylü idi. Züleyxa təngənəfəs halda orta pilləkəni qalxıb müəllimlər otağının qabağında dayanan Leylaya yaxınlaşdı:
-Can Leyla, oğlanlar dərsdən qaçmaq istəyirlər, nə qədər dedim, qayıtmadılar.
-Kimlər?-deyə Leyla bezgin halda üzünü turşutdu.
-Kərəm, Mehdi, Tariel...
-Onlar lap ağ eləyiblər ee.
Bayaqdan onlara qulaq asan yusif də söhbətə qoşuldu:
-Haradadırlar?
-Aşağıda. Qapıçı buraxmır, onunla dalaşırlar.
-Tut bunları,-əlindəkiləri Züleyxaya uzadan Yusif,-mən indi gedib onları gətirərəm.-deyə qaça-qaça pilləkənləri düşdü.
-Gözlə, mən də gəlirəm.-deyib İsmayıl da onun arxasınca düşdü.
Züleyxa çaşqınlıqla gah Yusifin arxasınca, gah da əlinə verib qaçdığı əşyalarına baxırdı.
Foyedə isə, Mehdigil Xanım xala ilə mübahisə eləyirdilər.
-eee, Xanım xala olmadı ki! Onsuz da direktor yoxdur, burax gedək də.
-Dedim ki, olmaz! Bircə dərs qalıb, qayıdın sinfinizə!
-Mixaylo, hara gedirsiniz?-pilləkənləri qaça-qaça düşən Yusifin səsi eşidildi.
-Buraxır ki, gedək?-Mehdi üzünü turşudaraq qapıçını işarə elədi.
Artıq onlara çatan Yusif Xanım xalanın qabağında dayanıb əllərini çənəsində birləşdirərək:
-Xala, xahiş edirik, onları buraxın, getsinlər. Yazıqlar hazırlığa gedəcəklər. Hələ o birisinə baxın, üst-başı palçıq içindədir.-deyə (guya) yalvarmağa başladı.
Xanım xala deyəsən başa düşməmişdi. Tərs-tərs Yusifə baxıb hirsli-hirsli dilləndi:
-A bala, məni ələ salmısan? Mən bilmirəm, bu məktəbdə kim hazırlığa gedir, kim yox?!
Tariel bezmiş halda ağzını büzdü:
-Xala, yaxşı da, bu qədər dalaşana qədər bizi buraxsaydın,