z şəkildə pilləkənləri düşməyə başladı. Birdən idman zalı tərəfdən gələn Sevinci gördü. Onun da simasından məyusluq və əsəbilik duyulurdu. Lakin o Ysuifi və əlində tutduğu çətiri görcək rəngi açıldı:
-Tapdın? Nə yaxşı?
-Hə, tapdım.-deyə Yusif ürəksiz halda çətiri Sevincə uzatdı.
Sevincək çətirini götürüb o tərəf-bu tərəfinə baxan Sevinc çətiri açarkən qarşılaşdığı mənzərə göydən yerə çırpdı. Bütün dəmirləri əzilib-qırıldığından çətir Sevincin əlində büzüşüb qalmışdı.
-Bu nədir?-deyə o, çaşqın halda Yusifə baxdı.
-Vallah dost, mən eləmədim. Səkkizinci sinifdən bir oğlanın əlində idi. Nə qədər dedim ki ver, vermədi, sonra da yerə atıb qırdı.
-Off!-Sevinc əsəbi halda ağlamsınaraq çətiri Yusifə qaytarıb qaça-qaça məktəbdən çıxdı.
-Sevinc, ay Sevinc!-Yusif onun arxasınca səslənsə də mənası yox idi.
Nisbətən boşalmış məktəb yenidən dolmağa, şagird səsləri ilə titrəməyə başladı. Yusif də artıq burada qalmağın mənasız olduğunu fikirləşib ayaqlandı. Qapıdan çıxanda əlindəkini zibil vedrəsinə atmaq istəsə də, nəsə onu fikrindən yayındırdı.

Xəyal müəllimin evində kimya hazırlığı. Xəyal müəllimin markeri götürüb kiçik lövhəyə tərəf getdi.
-Deməli belə. Dedik ki, maddələlin nisbi molekul kütləsi molekulun təşkil olunduğu atomalalın molekul kütləsinə əsasən hesablanı. Sadə bi misal,-markerin qapağını açıb yazmağa başladı,-oksigenin nisbi molekul kütləsini hesablayaq.-Birdən onun gözü Kənana sataşdı. O, müəllimə baxsa da fikri burada deyildi.-Kənan, oksigenin atom kütləsi nə qədə idi?-deyə Xəyal müəllim ona səsləndi.
Fikirdən ayılan Kənan “Bəli?”deyə çaşqınlıqla yerində vurnuxdu.
-Oksigenin atom kütləsini soluşulam.
-On səkkiz?
-Nə on səkkiz?! On altı!-deyə Ələddin onu dümsüklədi.
-On altı.
-Yaxşı, indi de gölüm, bunun nisbi molekul kütləsi necə hesablanı?
Kənan çaşqın halda bir lövhəyə, bir də müəllimə baxır, heç nə deyə bilmirdi.
-Kənan, nə olub sənə?
-Heç müəllim, biraz fikrim qarışıqdır.-deyə Kənan məyus halda dodağını büzdü.
-Çalış, fiklini