n çıxanda Xatirə müəllimə onu görüb səslədi. Əli ona yaxınlaşdı.
-Bu gün dərsdə səndən çox xoşum gəldi. Fəal idin. Özü də eşitmişəm, üçüncü qrupa verirsən.
-Bəli, istəyirəm.
-Bilirsən də, üçüncü qrupda Azərbaycan dili əsas fənlərdən biridir. İstəsən səni hazırlaşdıra bilərəm.
-Yox müəllimə, sağolun, bir dənə İngilis dilindən hazırlaşmaq fikrim var.
-Bax ha, əgər pulu fikirləşirsənsə, narahat olma, mən səni pulsuz hazırlaşdıraram.
-Yox, yox, müəllimə, ona heç razı olmaram.
-Ciddi sözümdür, görürəm ki, səndə bu qədər həvəs var. Adi bir şeyə görə niyə istəyindən olursan? Narahat olma, heç kim heç nə bilməyəcək.
-Yox, müəllimə, israr eləməyin, mən bunu qəbul eləyə bilmərəm. Siz də zəhmət çəkirsiniz. Qarşılıqsız olmaz.
-Zəhməti mən çəkirəmsə, qarşılıq istəyib-istəməyəcəyim də mənə bağlıdır. Sən yenə də fikirləş.
-Oldu müəllimə, fikirləşərəm.
Tədris işləri üzrə direktor müavini Xalidə müəllimə dəhlizdə digər müəllim yoldaşı ilə söhbət eləyirdi. Elə bu vaxt əl telefonuna zəng gəldi. Direktor Oqtay müəllim ona təcili otağına gəlməsini deyirdi.
Dəhlizdə Əli ilə söhbətləşən Yusif Günel müəllimə ilə rastlaşdı. Günel müəllimə ondan dünən çətiri tapıb-tapmadığını xəbər aldı. Yusif isə tapdıqlarını dedi. Günel müəllimə onlardan aralanandan sonra Əli maraqla Yusifə baxıb:
-Nə açar, nə zontik? Dünən nə olub?
-Sənə danışmamışam?
-Yox.
-Sevincin zontiki dünən məktəbdə qalmışdı. Ona görə dünən bütün məktəbi fırlanmışam. İnformatika otağı, idman zalı, sinif. Axır ki, tapdıq. Sonra nə olsa yaxşıdır, ağıllının biri vurub zontiki qırdı. Mən də gedib ətəzədn ona təzə zontik aldım.
Yusif danışdıqca Əli onun dünən dediyi “Təki burada olduğunu biləsən, ona görə bütün məktəbi gəzərsən də” sözlərini xatırlayır, öz-özünə gülümsəyirdi. Xalidə müəllimə astaca qapını taqqıldatdı. İçəridən direktorun “Gəl” deyə səsi eşidildi. Qapını aralayıb içəri keçən Xalidə müəllimə direktoru salamladı.
-Keçin əyləşin, müəllimə.
Direktorun göstərişindən sonra boş stullardan birinə