. Sevinc kefsiz və qaşqabaqlı halda əlində qələm oynadır, rəfiqələri isə onu işarə eləyib nəsə danışırdılar. Nəhayət, onlar arxaya-Sevincə sarı döndülər. Ayan Sevincin saçlarını oynada-oynada soruşdu:
-Nə olub canım, niyə kefsizsən?
Sevinc üz ifadəsini dəyişmədən çiyinlərini çəkdi.
Asya zarafatla:
-Yusiflə dalaşmısan yoxsa?-deyə soruşdu.
-Səncanı, işim-gücüm qurtarıb, onunla dalaşım? Sadəcə yoxlamanı pis yazmışam.
-A, poçemu?
-Bilmirəm, iki dəfə Yusif qoluna toxundu, qara saldım. Sonra da tərslikdən bəzi sözlərin yazılışı yadımdan çıxmışdı, onları səhv yazdım. Təsəvvür eləyirsiniz, riayət sözünü beş dəfə düzəltmişəm, nə yazdığım heç oxunmur da. Xatirə müəllimə insaf eləyib üç yazsa böyük şeydir.
-Buna görə fikir eləmə. Canın sağ olsun. Mən bilirəm sənin əsas dərdin nədir.
Sevinc gözlərini qaldırıb Ayana baxdı. Ayan isə sözünə davam elədi.
-Sən hazırlığa görə narahatsan. Amma boş yerə. Qaranlıq olanda nə olar ki, anangili gəlib aparacaqlar da səni evə.
Asya da söhbətə qoşuldu:
-Nu, buna görə kefsizsən?
Ələddin Sevinci səsləyərək Yusifi xəbər aldı. Sevinc çiyinlərini çəkərək bilmədiyini dedi. Elə bu vaxt sinfə girən İsmayıl onların söhbətini eşidib Yusifin çöldə hansısa müəllimə ilə danışdığını dedi. Sonra gəlib həmişəki yerində-qabaq pəncərənin artırmasına söykənərək dayandı. Gözucu Sevilə, bəhanə ilə isə çölə baxırdı. Onu yenə də burada görən Züleyxa isə altdan-altdan qımışır, arabir də Sevilə tərəf baxırdı. Sevil isə guya fikri başqa yerdə imiş kimi davranır, amma hərəkətlərindəki sünilik onu ələ verirdi. Sinifdə isə pıçapıç başlanmışdı. Bayaqdan qaşqabağı yer süpürən Sevinc İsmayılı belə görüb öz dərdini unutdu, qızları özünə yaxın çağıraraq pıçıltı ilə:
-Ona baxın, həmişəki yerini aldı. Ay səni, tülkü.-dedi.
-Hmm,-Ayan da razı şəkildə başını yellədi,-o, deyəsən Sevili istəyir.
-Az, deyəsən, nədir? İlk gündən vurulub ona, amma yaxınlaşa bilmir.
-Doroqoya, gör neyləyirsən.-deyə Asya Sevincə göz vurdu.-Bunların da aralarını düzəlt.
Sevinc geri