aralanıb bir xeyli getmişdi ki, parkın girişində Raminlə rastlaşdı. Onun yanında dostu Taleh də var idi. Ramin xilaskarını görüb irəli gəldi, əl uzadıb onunla salamlaşdı. Salamlaşdıqdan sonra Əli gülə-gülə:
-Daha xətrinizə dəyən yoxdur?-deyə soruşdu.
-Yox. Daha dərslərini necə verdinsə...
Raminin bu sözünə üçü də gülüşdü.
-O gündən sakitçilikdir.-deyə Taleh də söhbətə qoşuldu.
-Baxın ha, incidən zad olsa, çəkinməyin.
-Belə deyirsən, çox sağol qaqaş. Amma səni bir də işə sala bilmərik.
-Səncanı, nə iş? Onlardan qorxacam?
-Yox Əli, sən bilmirsən. Sənin o qolunu burduğun oğlanın atası türmədədir. Qardaşı da qorxunc biridir. Əmisi oğlanları zadı... yaxşı adamlar deyillər. Ona görə də yaxşısı budur, uzaq duraq.
-Yaxşı, bəs siz necə oldu dalaşdınız?
Ramin dinməsə də Taleh onun yerinə dilləndi. Ramini göstərərək:
-Qız söhbəti idi.-dedi.
-Aha, belə de.-deyə Əli gülümsədi.
Talehə tərs-tərs baxan Ramin sonra Əliyə dedi:
-Evdəkilər əslində niyə dalaşdığımı bilmirlər. Demişəm söyüş söyüblər. Sən də Ayana heç nə demə də.
-Eşitməmiş olum! Mən Ayana nə deyə bilərəm ki? Bunlar kişi söhbətləridir, qızlara aid deyil.-deyə Əli Raminə göz vurdu.
-Sağol Əli.
-Dəyməz.
Onlar beləcə bir neçə dəqiqə də söhbət edib ayrıldılar.
Artıq günün ilk yarısı geridə qalmışdı. Adaşlar Ayanla Asyadan ayrılıb yollarına davam eləyirdilər. bu vaxt Ələddinlə rastlaşdılar. Salamlaşdılar. Sonra Ələddin üzünü Sevincə tutub maraqla:
-Ay Sevinc, dostun niyə belə elədi?-deyə soruşdu.
-Neylədi ki?-Sevinc heç nə başa düşməyib maraqla ona baxdı.
-Xəbərin yoxdur? Riyaziyyatla Tarix hazırlıqlarının yerini dəyişib. Bu gün bizimlə gəlməli idi, dünənə keçirib.
-Hə o?-lakin son cümləni gec başa düşən Sevinc bir anlıq duruxdu-Sizinlə gəlməli idi?
-Hə.
-O mənə dedi axı qrupu sıxıcı idi, uşaqlarının yarısı qız idi deyə günləri dəyişdirib.
-Qrupu sıxıcı idi? uşaqların yarısı qız idi?-Ələddin heyrətlə Sevincə baxıb güldü.-onun başı çatır? Nə qız, nə sıxıcı? Bizim qrupda altı oğlan var idi, Mən,