f rəhbərləri Mirvari müəllimə içəri girdi.
-Nə olub yenə?! Sinfi yenə xəstəxanaya çevirmisiniz? Nəyi bölüşə bilmirdiniz?
Heç kəs dinmədi.
-Ədə Yusif, yenə də sən?! Mən yığıldım ee sizin əlinizdən boğaza.-o cır səsini daha da qaldırdı.-De görüm nə üstündə dalaşmısınız?
-He nə! Elə-belə.
-Necə elə-belə? Bu boyda elə-belə olur?
-Ay müəllimə, zarafat eləyirdik, yumruqlaşırdıq, o qədər.
-Ə zarafatla yumruqlaşmaq olur? Ay Əli, a bala sən de nə olub?
-Heç nə, ay müəllimə. Yusifin dediyi kimi.
-Siz öləsiniz, sizi bu il sinifdə saxlamasam. Siz qudurmusunuz! Siz görərsiniz...-Mirvari müəllimə qışqıra-qışqıra çölə çıxdı.
Ayan soruşdu:
-Doğrudan nə olub?
-Heç nə. Zarafat eləyirdilər.
-Hə, siz bilməzsiniz.-Yusif də sözə qarışdı.
-İşdir də, kişinin başına iş gələr.-İsmayıl da ona qoşuldu.
-Səni bilmirəm, ay İsmayıl, amma bu Yusif ildə iki dəfə yumruq yeməsə dincəlmir. Neyləsin, bu da onun peyvəndidir də.-Sevinc gülə-gülə dedi.
-Sağol Sevinc! Dostluğun artıq olsun!
-Mənim?!-Sevinc tərs-tərs Yusifə baxdı.
Yusif onun ciddiləşdiyini görüb:
-Yaxşı, yaxşı. Zarafat elədim.-deyə sözünü geri aldı.

Zəng vuruldu. Növbəti dərs Coğrafiya idi. Dəhlizdən qaça-qaça gələn Kərəm:
-Sakit olun uşaqlar! Sakit müəllim gəlir.-deyə sinfə girdi.
Hamı öz yerinə keçdi. İçəri hündürboy, qara kostyum-şalvar geyinmiş bir müəllim girdi. Onun 40-45 yaşı olardı. Simaca sərt görünsə də olduqca mülayim insan idi. Dərsinə tələbkarlıqla yanaşardı. Amma eyni zamanda şagirdlərilə də yaxşı dil tapardı.
-Salam uşaqlar!
-Salam!!!
-Oturun!- o, portfelini stolun üstünə qoydu, ayaq üstdə stolun yanında dayanıb portfelindən eynəkqabını, kitab və digər şeyləri çıxara-çıxara:
-Bu nədir? Bura lap hərbi qospitala dönüb ki! Müharibədən çıxmısınız a bala?-deyə maraqla sinfə baxdı.
Mehdi yenə də dilini dinc qoya bilmədi.
-Müəllim, Yusiflə İsmayıl dalaşıblar.
Yusif arxaya dönüb:
-Əlimdə öləcəksən Mehdi.-dedi və onu əliylə hədələdi.
Sakit müəllim eynəyinin altından Mehdiyə tərəf baxıb