ilk əvvəl özünü itirsə də birtəhər özünü toplayıb dedi:
-ee, xeyr. Düz yazıb.
-Dəqiq?
-Məncə düz yazıb.
Hamı təsdiqlədi. Hətta bəziləri “Bunu mən də eləyərəm də.” deyə mızıldandılar. Xatirə müəllimə üzünü Ayana tutdu:
-Özün də bax. Səhvin var?
Ayan çaşqın halda “Bilmirəm”deyə çiyinlərini çəkdi.
-Cümlənin mübtədası hansıdır? Sualını ver.
-Məktəb. Nə dağların qoynunda yerləşir? Məktəb.
-Səhvdir Ayan.
-Səhvdir?
-Bəli, səhvdir. Sən orada “bizimi” təyin kimi götürmüsən?
-Bəli. Hansı məktəb? Bizim məktəb.
-Bax elə ən böyük səhv də buradadır.-Xatirə müəllimə ayağa qalxaraq lövhənin qabağına gəldi.-Məktəb sözündən –imiz mənsubiyyət şəkilçisi ixtisar olunduğu üçün, yəni, cümlədə “Bizim məktəb” verildiyi üçün demək olar ki, hamınız belə səhvlər eləyirsiniz. Bu belə olmalıdır: “Bizim məktəbimiz dağların qoynunda yerləşir.” Buradan da göründüyü kimi, “bizim məktəbimiz” üçüncü növ təyini söz birləşməsidir. “Hansı məktəbimiz?” deyə bilməzsiniz ki? Yox. Deməli, “bizim məktəbimiz” burada mübtəda rolunda çıxış edir. “dağların qoynunda” üçüncü növ təyini söz birləşməsilə ifadə olunmuş yer zərfliyi, “yerləşir” isə feli xəbərdir. Belə incə məqamlara fikir verin.-sonra üzünü Ayana tutaraq-Əyləş Ayan. Çox sağol.-dedi.
Özü də yerinə keçdi. Əliyə baxaraq dedi:
-Hə Əli, gördün, diqqətli olmaq lazımdır. Təkcə cümlə təhlilində yox, hər şeydə.-Xatirə müəllimə sonuncu “hər şeydə” sözünü xüsusi eyhamla dedi.
Əli Xatirə müəllimənin baxışları altında sıxıldı, gözlərini qaçırdı, hara baxacağını, necə davranacağını bilmədi. Bu arada Yusiflə Sevinc də təəccüblə bir-birilərinə baxırdılar.
-Müəllimə,-Züleyxa maraqla soruşdu-burada “Məktəbimiz dağların qoynunda yerləşir.” də yazmaq olar. Onda da üçüncü növ təyini söz birləşməsi kimi götürülür?
-Afərin, düzdür, bu ayrıca “məktəbimiz” kimi də verilə bilər. Orada formal olaraq götürülür, yəni, “bizim” ixtisar olunsa da “məktəbimiz”in sonundakı –imiz onun neçənci şəxsə aid olduğunu göstərir. Beləliklə, yenə də eyni nəticəyə