ə gəlirik.-sonra Xatirə müəllimə jurnala baxdı-Kənan, sən gəl.

Tənəffüsdə Züleyxa çantasından bir dəftər çıxararaq Sevilə dedi:
-Caan mənimlə gələrsən? Gedək bu dəftəri on d-dəki qıza verək.
-Nə dəftəridir ki?
-Hazırlıqda yadından çıxıb stolun üstündə qalmışdı. Mən də götürdüm ki, bu gün verərəm deyə. Gedək verək, qalmasın.
-Gedək də. Kimindir ki?
-Nazilənin, Gülərin sinif yoldaşının.-Züleyxanın üzünün ifadəsi dəyişdi.
-Hansı sinifdədirlər?
-Bilmirəm, müəllimlər otağından soruşarıq.
-Yaxşı, gedək.
Onlar sinifdən çıxdılar. Qapıda Yusif və Əli ilə qarşılaşdılar. Əli soruşdu:
-Hara belə?
-Heç, dəftəri qaytarmağa.
-Hə.-Əli bunu deyib sinfə keçdi.
Yusif də onun arxasınca girmək istəyirdi ki, Züleyxa onu səslədi:
-Yusif.
-Hə?
-Bilmirsən, 10 d hansı otaqdadır?
-10 d? Gülərgilin sinfidir də.
Züleyxa üzünü turşudub səsini yüksəltdi.
-Bilirəm də Gülərgilin sinfidir. Hansı otaqdadır?
Yusif çiyinlərini çəkdi:
-Mən nə bilim. Keçən il qırx ikinci otaqda olurdular, indi bilmirəm.
-Hə yaxşı, çox sağol.
-Dəyməz.-heç nə anlamayan Yusif sinfə girdi.
Sevillə Züleyxa müəllimlər otağının qabağına yaxınlaşdılar. Otağın qabağı və içərisi həmişə olduğu kimi hərəkətli olduğundan onlar bir neçə dəqiqə gözləməli oldular. Otağın qarşısı seyrəkləşdi. Züleyxa nəhayət ki, içəri keçib cədvəli öyrənə bildi.
-Altmış dördüncü otaqdadırlar.-sonra dayandı-Ya da kı sən get, zəng vurulacaq indi.
-Niyə e? Mən də gəlirəm.
-Yox da sən get. Müəllimə deyərsən, qayıb yazmasın.
-Yaxşı. Tez gəl amma.
Züleyxa “yaxşı” deyib orta pilləkənlə qaça-qaça yuxarı çıxdı. Sevil isə sinfə doğru gedirdi. Dəhlizdə İsmayılla qarşılaşdı. Hər ikisi özünü itirdi.
-Haradan belə?-deyə İsmayıl srouşdu.
-Zülüş bir qıza dəftəri qaytaracaqdı, daha zəng olacaq deyə mənə dedi ki, sən qayıt.
Onlar bir neçə saniyəlik susdular. Sevil yerə, İsmayıl isə ona baxırdı. Elə bu vaxt arxadan qaça-qaça gələn Zaman İsmayılın çiyinlərindən tutub dayandı. Zarafatla dedi:
-Ə İsrafil, oğluna toy eləyirsən, mənə niyə