ə “Bağlıdır. Закрыто. Closed.” sözləri yazılan lövhə asılmışdı.
-A? Bu niyə bağlıdır?
-Bəlkə obeddədirlər?
-Naharda.-Xatirə müəllimə Ayanın səhvini düzəltdi, sonra saatına baxdı.-Hə, saat ikinin yarısıdır? Ufff, neyləyək indi?
-Keçən dəfə biz Əli ilə gələndə açıq idi axı. Elə bu vaxtlar idi.
-Əli ilə?-Xatirə müəllimə maraqla Ayana baxdı.-Nə vaxt?
-Hə. Bir ay olar da. Elə sənin verdiyin kserekslər idi.-Ayan öz-özünə gülümsədi.-Pulunu da Əli vermişdi.
-Nə isə,-Xatirə müəllimə səsini yüksəltdi,-indi neyləyək?
-Nə bilim.-Ayan özünü yığışdırdı.-Gedək yuxarılara da baxaq.
-Gedək də.
Onlar bir xeyli getdilər. Ayan qarşıdakı dükanı göstərib dedi:
-A, Xatirə bax, təzə mağaza açılıb. Kitab-dəftər yerinə oxşayır.
-A, nə yaxşı. Baxaq.
Onlar dükana yaxınlaşdılar. Xatirə müəllimə bir dükanın adına, bir də Ayana baxıb təəccüblə dedi:
-Rayal? Bu da təzə çıxdı?
-Bəlkə səhv yazıblar? Röyal olmalıdır.
-Yox e, bu boyda səhv olar?
-Girək, soruşaq da.
-Girək.
Dükanın içərisi geniş idi. Rəflərdə səliqə ilə düzülmüş kitablar, dərs vəsaitləri, testlər, müxtəlif həcmli dəftərlər, qabaq sıralalarda isə karandaş, pozan, qələm, rəngli vərəqlər, bir sözlə, məktəbə aid olan hər şey var idi. Bir qıraqda isə ksereks aparatı qoyulmuşdu. Aparatın yanında iyirmi üç-iyirmi dörd yaşlarında olan bir oğlan müştəri ilə söhbət eləyirdi.
-Bəli xanım, üç nüsxədir. Bir manat, yetmiş beş qəpik.
-Zəhmət olmasa, bu iki dəftərlə ruçkanın da pulunu da hesablayardınız.
-Bu dəqiqə.
-Bir də mümkünsə, mənə kitab üzlərindən üç rulon kəsərdiniz.
-Aha, bu dəqiqə.-oğlan arxada sakitcə dayanıb mağazanı süzən Xatirə müəllimə ilə Ayanı gördü.-Buyurun xanım, siz nə istəyirdiniz?
Xatirə müəllimə dilləndi:
-Ksereks.
Oğlan içəriyə səsləndi:
-Mendeleyev, ay Mendeleyev. Bir dənə gəl gör, müştəri nə istəyir.
-Yaxşı, gəldim.
İçəridən ortaboylu, eynəkli və bir o qədər də yaraşıqlı, iyirmi beş-iyirmi yeddi yaşlarında bir oğlan çıxdı. Xatirə müəllimə heyrətlə ona baxırdı. Ayan da təəccübündən