k idi. Kənardan çıx soyuq görünsə də, özünü Yusifin yanında sındırmasa da ürəyinin dərinliyində ona çox, çoox, çooox böyük böyük bir sevgi bəsləyirdi. Və bunu təkcə özü bilirdi. Və bunu da bilirdi ki, Yusif heç vaxt dönüb onun tərəfə baxmayacaq. Çünki Yusifin elə ilk gündən ondan zəhləsi gedir. Amma özünü təsəlli eləməyi də bacarırdı. Çünki ona elə gəlirdi ki, dünyada heç bir qız Yusifi onun qədər sevməyəcək.
Elə bu vaxt Seyfəddin dayı otaqdan çıxıb arvadını səslədi:
-Zərnigar, içəri gəl!
-Gəldim, a kişi, gəldim.-Zərnigar xala krantı bağladı. Əllərinin suyunu silə-silə otağa keçdi.
-Nə olub, kişi?
-Qapını bağla!
Züleyxanı maraq götürdü. Asta-asta otağının qapısını araladı. Qulağını çölə dayadı. Heç nə eşitmirdi. Qapını açıb çölə çıxdı. Qonaq otağının qapısına yaxınlaşdı. Görünməsin deyə aşağı oturdu. Qulağını qapıya dirədi. İçəridə gedən söhbət onun heç xoşua gəlmədi.
-Necə yəni qızı istəyirlər? A kişi, sən demədin ki, qız uxuyacax?
-Dedim e diməyinə. Amma dedi ki, qələt eləməsin, Balabəyin nəslindən uxuyan çıxmayıb.
-Çıxmayıb, Allah qoysa çıxacaq.
-Nə deyim e qardaşımdır. Bizə o qədər kümək elədilər. İndi deyəcək, bir qızı məndən əsirgəyirsən?
-Ay Seyfəddin, qurban olum. Sən ki, uşaq deyilsən. Gəl bir yaxşı-yaxşı fikirləş. Büyük qızı verdik də əmin uğlunun uğluna, nə oldu? Qız yazıq qalıb üç uşaqla zülmdə. Əri gündə içir, döyür.
-Nə, döyür?
-Hə. Bax, gürürsən ki, mən sənə hər şeyi açıb demirəm.
-Axxx, küpəkoğlu!
-İndi deyirsən, bu qız da belə ulsun? Uşaq oxumaq istəyir, başı da var. Quy uxusun, adam arasına çıxsın. Desinlər bax, Balabəyin də nəslindən uxuyan çıxdı.
-Offf! Mən guya istəmirəm, uxusun? Amma qardaşımdan da keçə bilmirəm axı.
-Heç nə olmaz. Səndən üz döndərəsi deyil ha. De ki, qız mənimdir, mən də uxutmaq istəyirəm. Vsyo!
Seyfədddin dayı telefonu əlinə götürdü, baxdı, sonra “of” çəkərək yenidən divanın üstünə atdı.Sənubər xala qısıq səslə televizorda xəbərlərə baxır, ara bir də divardakı saata göz atırdı. Öz-özünə deyinirdi:
-Ay