. Amma əslində özü qızı sevirmiş.
Bayaqdan maraqla qulaq asan Yusifin rəngi qaçdı. Ona elə gəldi ki, Mehdi bu sözləri ona ünvanlayır. Geri oturdu, gözlərini partaya dirədi. Asya da bunu hiss eləmişdi.
-Yox e Mehdi,-Asya onun sözünə düzəliş verməyə başladı.-deyəsən, arada yenə də ayrılırlar. Bir neçə aydan sonra yenə Parisdə qarşılaşırlar. Qız anasıyla Parisə gəlir, oğlan da onları qarşılamağa aeroporta dostunu göndərir.
-Hə, hə, elə. Özü nə qədər qızdan qaçsa da, dostunu qıza doğru itələsə də alınmır.
-Bəs niyə özü qıza heç nə demir?-Yusif gözlərini partadan ayırmayaraq soruşdu.
-Çünki qorxaqdır.-Sevinc Yusifə baxdı və Mehdinin yerinə cavab verdi.
Yusif bir anlıq Sevincə baxsa da heç nə demədi.
-Yooox, qorxaq zad deyil. Prosto dedim axı bayaq, oğlan Yusif kimidir, gündə bir qızla gəzir. Fikirləşir ki, qız onu ciddi qəbul eləməz. Ona görə də özündən daha ciddi bir oğlanla-dostuyla qızın arasını düzəltməyə çalışır.
Yusif bayaqkı üz ifadəsiylə Sevincə baxıb:
-Gördün, oğlan qorxaq deyilmiş.-dedi.
Bu dəfə də Sevinc heç nə deyə bilmədi.
Mehdi hirsləndi:
-Siz imkan verəcəksiniz, mən danışım?
-Davam elə.-Yusif əlini yellədi.
-Təsadüfən necə olursa, deyəsən, oğlanın ad günündə oğlanın görüşdüyü bir qızla oğlanın dostu tanış olurlar. Bir-birilərindən xoşları gəlir, nişanlanırlar və evlənirlər. Toyda həmin qız deyir ki, bu əslində Karnın planları idi. Riyayla dostunu tanış eləmək.
-Toyda yox e, Mehdi, nişanda.-Asya yenə də müdaxilə elədi.
-Hə, nə isə.
-Riyayla Karn baş roldakılardır?
-Da doroqoya.
-Riya bunları öyrənir, bunlar yenə dalaşırlar. Qırğın, müsibət, nə isə. Sonra oğlanın dostu Riyaya deyir ki, Karn səni sevdiyi üçün bizim aramızı düzəltməyə çalışırdı. Hər şeyi ona danışır.
-Barışırlar?
-Nç, yəni, belə də. Arada bəzi şeylər olur. Sonra yenə ayrılırlar.
Deyəsən bircə Sevinc başa düşməmişdi.
-Nə olur ki?
Asya ona göz-qaş eləyərək “Soruşma!” dedi. Yusif də tərs-tərs oan baxdı.
-Sənə lazımdır?
-Heç nə. Üç il keçir. Bu üç ildə oğlan qızı çox