axtarır. Sonra yenə də qarşılaşırlar. Oğlan komiks yazır, onun təqdimatından sonra qız gəlir.
-Sonra?-Sevinc maraqla soruşdu.
-Sonra heç nə. Evlənirlər, bir qızları da olur.
Yusif etinasızcasına partadan durdu və eyni etnasızlıqla:
-Maraqsız idi.-dedi.
-Maraqsız idi? Ona görə bu boyda kinonu danışdırdınız mənə?
Yusif kinayə ilə:
-Danışmayaydın da,-dedi.-sənə yalvarmamışdıq ki?
-Hə də. Sənə yalvarmamışdıq ki.-Sevinc də ona qoşuldu.-Bir də başa düşmədim, bu kinonun bizimlə nə əlaqəsi var?
-Bunlara bax e,-Mehdi əsəbləşməyə başladı,-minnətiniz olsun!
Sevinc də yerindən durdu. Ayanı axtardı. Onu Əlinin yanında görməyib çölə çıxdı. Yusif də arxa pəncərədə dayanan İsmayılın yanına getdi. Bir nə qədər nə Mehdi, nə də Asya danışmadılar. Sonra Mehdi Asyaya baxdı:
-Səncə Yusif qorxaqdır?
-Şto?
-eee! Heç nə!-Mehdi son əsəbini Asyaya töküb durub öz yerinə keçdi.
Mehdinin dediyini bir də özlüyündə təkrarlayan Asya öz-özünə gülümsədi:
-Məncə ikisi də qorxaqdır.-deyə pıçıldadı.
Bir neçə dəqiqə keçdi. Ayanla Sevinc sinfə qayıtdılar. Uşaqların diqqətini çəkmək üçün Ayan əlini partaya vuraraq yüksək səslə dedi:
-Uşaqlar, bir dəqiqə qulaq asın!
Nisbi sakitlik yarandı. Başda Əli olmaqla demək olar ki, hamı ona baxırdı.
-Çox sağolun. Şakir müəllim gəlməyib, ona görə də bu dərsimiz boş olacaq.
Buna sevinənlər də oldu, etiraz edənlər də.
-Oleeeyyy!
-Eeee, olmadı ki! Evə gedək də!
-Nə evə? Hələ bundan sonra dörd dərsimiz var.
Günel narazı halda Ayana baxıb:
-Ayan,-dedi,-Mirvari müəllimə bizi başqa siniflə birləşdirsə olmaz? Tez gedərdik.
-Yox, onun indi doqquzlara dərsi var. Uyğun gəlmir axı. Bir də Mirvari müəllimə bərk-bərk tapşırdı ki, səs salmayın. Bilməsinlər ki, müəllim yoxdur.
Ayan keçib yerində oturdu. Bayaqdan yarımçıq qalan testini eləməyə başladı. Asya da dərs təkrarlayırdı. Birdən Ayanın yadına nəsə düşdü. Əyilib partasının altına baxdı. Jurnal orada yox idi. Kitab-dəftərinin içini gəzdi. Yavaş-yavaş təlaşlanmağa başlayırdı. Onu belə görən