ə tutdu.-Sən niyə gizlədirdin? Bundan qorxurdun?
-Xeyr müəllimə, nə qorxmaq? Prosto, səbəbi var idi.
-Nə idi səbəbi?
Əli dinmədi, Ayana baxdı. Yer-yerindən “De, gizlətmə” deyə dostlarının səsi eşidilməyə başladı. Mirvari müəllimə də təəccüblə onlara baxırdı. Bu vaxt Sevinc:
-Müəllimə.-deyə yerindən dilləndi.
-Hə, sən nə deyəcəksən?-deyə Mirvari müəllimə ona baxdı.
-Müəllimə, Ayan bayaq demək istəmədi, amma Tariel Əliyə yox, Ayana söz atırdı.-deyə Sevinc ayağa durdu.-Ayan jurnalı götürüb yerinə keçmək istəyəndə Tariel başladı onun arxasınca artıq-əksik danışmağa. Əli də onu vurdu.
Bunu dediyi üçün Ayan narazılıqla Sevincə baxırdı. Elə Əli də. Mirvari müəllimə bezmiş halda başını buladı:
-Buna bax e, bunlara bax. Camaat dərs keçir, mən burada sudyalıq eləyirəm.-üzünü Əli ilə Tarielə tutdu.-Bezdim bu sualı verməkdən:düz deyir?
Əli razılıqla başını yellədi. Tariel isə tükünü də tərpətmədi. Mirvari müəllimə bir qədər susdu. Əlində qələm oynada-oynada fikrə getdi. Sinif də sükut içində idi. Sonra üzünü sinfə tutaraq bayaqkından fərqli sakit tərzdə sözə başladı:
-Baxın, yalanın iki ayrı növü. Biri özünü, digəri sinif yoldaşını qorumaq üçün yalan danışdı. Biri danlanmaqdan, töhmətdən qorxdu, digəri isə istəmədi ki, bu davada sinif yoldaşının adı hallansın. Əli çox gözəl bilir ki, nəyə görə dalaşıb. Tariel də çox gözəl bilir ki, nə üstündə vurulub. Yalanı bağışlamaq olmaz! Amma əgər bu yalan sizin yaxınınızı, ailənizi, dostunuzu, nə bilim, sevdiyiniz bir insanı qorumaq üçün deyilibsə onu keçmək olar.-üzünü Əliyə tutdu.-Səni başa düşürəm, Əli. Sən sinif yoldaşını müdafiə eləmək üçün Tariellə dalaşmalı olmusan və onun adı bu davada hallanmasın deyə günahı öz üstünə götürmüsən. Bu sənin necə yaxşı bir insan kimi yetişdiyini göstərir. Buna görə də mən sənin anana minnətdaram.-sonra üzünü Tarielə tutdu.-Sən də bax, biraz ibrət götür. Gördün, yalanın necə ortaya çıxdı? Haqsız yerə ona-buna söz atmaqdan, yalan danışmaqdan əl çək. Keçin yerinizə.
Qıpqırmızı qızaran