dəftərimin arasına qoy.
-Bu nədir?
-Cəbrdən misallardır. Bu gün qız başa saldı, mən də qaralamaya yazdım.
-Başa düşmədim, qız keçirdi hazırlığı?-Sevinc vərəqi dəftərin arasına qoya-qoya soruşdu.
-Yox e, Azad müəllim biraz gecikmişdi. Mənim də keçən dəfədən başa düşmədiyim bəzi misallar var idi. Sağolsun, qız başa saldı.
Sevinc heç nə deməyib gözlərini qıyıb fikrə daldı. Qulağı isə Yusifdə idi.
-Ay dost, görsən necə savadlı qızdır. Hələ keçən dəfə Azad müəllimin səhvini də çıxardı. Qız Riyaziyyatı sökür e. Təsəvvür eləyirsən, səkkizinci sinifdən bu yana getdiyi bütün olimpiadalarda birinci yerə çıxıb. Heyranam da bu qızın savadına.
-Adı nədir?
-Ceyran.
-Ceyran? Hmm, sevindim.
Sevincin bu etinasız davranışından heç nə anlamayan Yusif:
-Nəyə sevindin?-deyə təəccüblə ona baxdı.
-O cür sıxıcı qrupdan belə yaxşı qrupa düşmüsən də.
-Hə, sıxıcı qrup idi.
-Hə, yarısı da qız idi. Ələddin, Kənan, İsmayıl...
Sevincin səsindəki kinayəni yalnız bu sözdən sonra başa düşən Yusif duruxub ona baxdı:
-Başa düşmədim, o nə deməkdir?
-Nə bilim, qrup sənin idi. Nə bilmək istədiyimi sən bilməlisən.
-Qrupda onlar yox idi. Bilmirəm haradan eşitmisən...
-Dost, yalana nə ehtiyac var idi?-Sevinc dözə bilməyib dilləndi.-Deyərdin ki, Ceyranın sorağını eşitmişdim, Riyaziyyatı daha yaxşı öyrənmək üçün onunla eyni qrupa keçmişəm. Burada gizlətməli, yalan danışmalı nə var idi ki?
Yusif ani nəzərlərlə ona baxıb gözlərini aşağı saldı. Sakit şəkildə:
-Bağışla, istəmədim ki, səhv başa düşəsən.-dedi.
-Nəyi?
-Hər şeyi olduğu kimi desəydim, inanmayacaqdın. Desəydim ki, görmədiyim bir qıza görə qrup dəyişirəm, mənə güləcəkdin. Elə biləcəkdin ki, bunu sənə görə eləyirəm, qız isə bəhanədir. Amma inan ki, bu belə deyil. Sənin hazırlıq vaxtının dəyişməyi əslində mənim üçün bəhanə oldu. Düzdür e, səninlə belə dalaşa-dalaşa gəlmək də xoşdur, amma...
-Dost,-bayaqdan küləkdən də möhkəm əsib-gurlayan Sevinc xəyalları suya düşmüş insanlar tək daha sakit və yorğun səslə,-yaxşı da, başa