səsini azaltdı və hirslə geri-divanın üstünə atdı.
Ayan isə gəldiyi kimi də otağına qayıtdıSaat artıq səkkizə yaxınlaşırdı. Kəmalə ilə nişan kasetinə baxıb biraz da keçmiş günləri yad edən Xatirə müəllimə gec olduğunu deyərək getmək üçün ayaqlandı.
-Mama, qonağımız gedir.-deyə Kəmalə anasına səsləndi.
-Hə gəlirəm, gəlirəm.-deyə mətbəxdən Güllü xalanın səsi gəldi.
O qızının verdiyi işarəni qanıb telefonu götürərək kiməsə zəng elədi. Qısıq səslə:
-Alo, gülnarə müəllimə, qız gedir.-xəbəri dəstəbaşına çatdırdı.
-Siz çalışın, bir iki dəqiqə onu yubadın.-deyə dəstəbaşından əmr gəldi.
Buna paralel olaraq məlumat Gülnarə müəllimədən xalası qızına, xalası qızından isə qonşusuna ötürüldü. Hər şey planlaşdırılmış qaydada getməli idi. Mətbəxdən otağa gələn Güllü xala guya təəccüblə:
-A, a qızım, nə tez gedirsən?-dedi.
-Yox ay xala, əksinə gecdir. Xalamgili narahat qalacaqlar.
Digər otaqdan rəfiqəsinin paltosunu gətirən Kəmalə guya anasının sözünə qoşulurmuş kimi ona göz-qaş eləyə-eləyə:
-Mən də dedim ki, gecdirsə bu gecə qal bizdə. Amma xanım qızın sabah dərsi varmış.-dedi və paltonu Xatirə müəlliməyə uzatdı.
Xatirə müəllimə paltosunu geyinib özünə əl gəzdirdi. Onlar söhbətləşə-söhbətləşə otaqdan çıxdılar. Güllü xala qızına göz-qaş eləyə-eləyə:
-Hava qaranlıqdır. Apar, qızı yolun başına kimi yola sal.-dedi.
Xatirə müəllimə Elnurla problem olar deyə etiraz eləsə də Kəmalə də geyinməyə başladı. Kürəyinə gödəkçəsini keçirib ayağına da yüngül ayaqqabı geyindi. Xatirə müəllimə Güllü xala ilə sağollaşıb çıxmaq üçün qapını açanda qarşı tərfdən də qapı açıldı. Onu görməyinə guya təəccüblənən Gülnarə müəllimə:
-A, Xatirə müəllimə, siz burada neyləyirsiniz?-deyə soruşdu.
Amma Xatirə müəllimə onu gördüyünə həqiqətən təəccüblənmişdi. Onlar söhbət edə-edə pillələri düşməyə başladılar. Onların arxasınca düşən Kəmalə dönüb anasına nəsə işarə elədi. Anası başını yelləyərək qapını örtdü. Amma tərslikdən ikinci pilləkənə çatmamış Gülnarə müəllimənin qızı onu kiminsə telefona