a çağırdığını deyərək geri səslədi. Gülnarə müəllimə narazı halda geri qayıtmalı oldu. Lakin Kəmalə rəfiqəsi ilə düşməkdə idi. Blokun qabağına çatıb bir-iki addım aralanmamış gözlənilən zəng də gəldi. Kəmalə əsəbi və narazı halda telefonda kiminləsə danışıb üzünü Xatirə müəllimə tutdu. Elnurun zəng eləyib indi onu blokun ağzında gördüyünü və getməli olduğunu dedi. Heç nə olmaz deyə Xatirə müəllimə onu yuxarı yola saldı. Məyus halda ətrafa boylanan Xatirə müəllimə iki-üç nəfərin ona tərəf gəldiyini gördü. Gələnlər öz aralarında danışır, bloku işarə eləyirdilər.Qaraltılar yaxınlaşdıqca Xatirə müəllimənin heyrətdən gözləri böyüməyə başladı.
-Az çatmışıq e, de qız da deyəsən budur.-deyə onlardan biri yanındakına Xatirə müəlliməni işarə eləyib dedi.
Bu vaxt təngənəfəs pillələri düşüb Xatirə müəlliməyə çatan Gülnarə müəllimə də gələnləri görüb donub qaldı. Udqunaraq yalnız:
-Xəyal müəllim?-deyə bildi.
Gördükləri qarşısında dilxor olan Xəyal müəllim anasının qolundan çəkib:
-Mama, məni hara gətimisən?-deyə soruşdu.
Sənubər xala isə ona məhəl qoymadan heyrətlə “gələcək gəlinini” süzürdü.
-Maşallah, maşallah, nə qəşəng qızdır?
Gülnarə müəllimənin xalası qızı ona baxaraq təəccüblə:
-Az Gülnarə, sən bu oğlanı tanıyırdın ki? Mən elə bilirdim, sən ancaq qızı tanıyırsan?-deyə soruşdu.
Gülnarə müəllimə ona heç nə deyə bilməsə də göz-qaş eləməyə başladı. Artıq hər şeyi başa düşmüş Xatirə müəllimə özünü çoxpis hiss eləyirdi. Buna görə də təəssüflə Gülnarə müəlliməyə baxıb:
-Çox sağolun, müəllimə-.dedi və oradan aralandı.
Pərt olan Gülnarə müəllimə onun arxasınca səslənsə də xalası qızı onun qabağını kəsib göz-qaşla mağazaya getməli olduqlarını dedi. O da çaşqınlıq içərisində razılaşmalı oldu.
Oğlunun çaşqınlıq və hirslə ona baxdığını görən Sənubər xala:
-Nə mal-mal üzümə baxırsan? Get də arxasınca!-deyə ona acıqlandı.
-Mama! Məni nə hala saldığından xəbəlin va?
-Nə qışqırırsan, get! biz Səidəgillə mağazaya gedəcəkdik.-deyə qonşusunun qoluna girdi və onlar