ə göz-qaş edərək Ayanın gəlib-gəlmədiyini soruşdu. Yusif çiyinlərini çəkdi. Sevinclə söhbət edən Asya sanki bu səssiz dialoqu duymuşdu. Sevincdən:
-Doroqoya, Ayan gəlib?-deyə soruşdu.
-Hə, yuxarıdadır.
Yusif gülümsəyərək Əliyə göz vurdu.

Birinci dərs artıq başlamışdı. Jurnalı yoxlayan Hafizə müəllimə:
-İsgəndərov Kənan.-deyə jurnaldan gözünü çəkmədən soruşdu.
Cavab gəlmədi.
-Is he absent?-deyə o, bu dəfə sinfə boylandı.
Kənan pəncərə tərəfdə, ən axırıncı partada oturub gözlərini çölə dikmişdi, fikirli idi. Arxaya dönən Ramazan:
-Ayə, müəllimə səninlədir?-deyə onu səslədi.
-Hə?-deyə Kənan şüursuz şəkildə əvvəlcə Ramazana, sonra Hafizə müəlliməyə baxdı.
-Haradasan, ay Kənan?-Hafizə müəllimə maraqla ona baxırdı.
-Buradayam, müəllimə.-deyən Kənan yüngülcə gülümsəyib ah çəkdi.
Bir gözü Kənanda olan Leyla Mehdini səsləyib:
-Mixaylo, nə olub ona?-deyə astaca soruşdu.
-İldırım vurub.-deyə Mehdi ciddiliyini pozmadan cavab verdi.
-A, doğrudan?-Leyla təəccülə əlini ağzına apardı.
Mehdi onun bu halına ürəkdən gülməyə başladı:
-İnandı e. Bu da bizim savadlımız! İldırım vurmayıb, prosto onun kimi bir şey vurub.
Heç nə başa düşməyən Leyla qabağa çevrildi. Fikirli-fikirli dodaqlarını büzüb kitaba baxmağa başladı. Onu belə görən Ayan:
-Ay qız, deyir yəni, kiməsə vurulub da.-deyə ona pıçıldadı.
Lakin bunu eşitmək deyəsən Leylanı sevindirməmişdi.
Kəmalə müəllimənin yarımqrupu. O, həmişəki kimi bir jurnala, bir də sinfə göz gəzdirdi.
-Who is absent?-deyə xəbər aldı.
-Tağıyev Rəhim.-deyə bu yarımqrupun qrup nümayəndəsi Sevinc cavab verdi.
-Yox, niyə ki?-deyə ətrafına boylanan Yusif zarafatla dərin fikirdə olan Əli ilə İsmayılı işarə eləyib-Nəbiyev Əli, Verdiyev İsmayıl are also absent.-dedi.
-Yusif,-Kəmalə müəllimə tərs-tərs ona baxdı,-indi sənə qayıb yazacam.
-Neylədim e, müəllimə? Mən ki, xəyallara dalmıram.
-Yusif!
-Bəli, teacher?
-Gəl dərsi danış.
-Ee, what?-deyə Yusif udqundu.
-Gəl, dərsi danış!-deyə Kəmalə müəllimə daha bərkdən