Əli!-arxadan, bu qədər səs-küyün içindən gələn tanış səs onu fikrindən ayıltdı. Dönüb arxaya baxdı.-Sən hara?!
Ara pilləkəndə dayanıb maraqla ona baxan Mehdi onu Kənana göstərərək nəsə deyir və aralarında qımışırdılar. Əli isə yalnız indi dəhlizin o başına çatdığının fərqinə vardı. Ürəyində özünü danlaya-danlaya geri qayıdıb Mehdigilə yaxınlaşdı. Mehdi onu görcək:
-Sürüdən ayrı düşən qaz kimi baş alıb hara gedirsən?-deyə soruşdu.
-Nə bilim. İçəridə biraz ürəyim sıxıldı.
-Naşükürsən e Əli.-Kənan ona baxaraq başını buladı.-Gözünün qabağındadır, amma yenə də ürəyin sıxılır. Mənim yerimdə olsan, neyləyərsən?
-Eh Kənan. İnan ki, mən indi səndən də betər gündəyəm.
Qaşlarını çatıb kinayə ilə onları süzən Mehdi:
-Al birini, vur o birinə. Yekə oğlansınız ə, iki qıza görə başınızı itirmisiniz-dedi.
-Sən ağıllı ol, onda Mixaylo.-Kənan kinayə ilə onu süzdü.-Başından da muğayat ol.
-Pah,-Mehdi əlini-əlinə vurub,-çox gülməlidir axı!-dedi. Sonra amiranə tərzdə-Düşün qabağıma görüm. Sizdən ikisi də hələ içəri var.-deyə onları qabağına qatdı.

Rəfiqələri öz aralarında əli çənəsində, gözü qapıda olan Ayanı işarə eləyib nəsə pıçıldaşırdılar. Elə bu vaxt Əli, Mehdi və Kənan ard-arda sinfə girdilər. Ayan tez özünü yığışdırıb arxaya-qızlara tərəf döndü. Heç nə olmamıştək gülümsəyərək:
-Necəsiniz qızlar?-deyə soruşdu.
Qızlar özlərindən ixtiyarsız qımışsalar da tez özlərini yığışdırdılar.
-Yaxşıyıq canım, sən necəsən?
-Mən də yaxşıyam. Nədən danışırdınız?
-Sevincin sabahkı den rojdeniyasından, doroqoya.
-Doğrudan e, Sevinc. Sabah sizdəyik, ha.
-Sabahı necə səbrsizliklə gözləyirəm, bilməzsiniz.
-Biz demirsən doroqoya.-Asya Ayana göz vurub üzünü yenidən Sevincə tudu.-Sənin ağ atlı şahzadənin kim olduğunu öyrənmək üçün.
-Yox e, nə şahzadə?-Sevinc narahat halda yerində qurdalandı.
-Asya düz deyir. Keçən dəfə Yusif gəldi deyə bizi ötüşdürdün, amma elə bilmə ki, yadımızdan çıxıb. Sabah sizdəyik.
Sevinc özünü işə salmışdı. Qızlara nə deyəcəkdi? Qızlara dediyi yalanımı?