yerində yayxanmış halda dilləndi,-bir nəfər hamı kimi gələ bilməz?
-Gələ bilər, niyə gəlməsin ki?-Mirvari müəllimə kinayə ilə ona baxdı-Anana deyərsən hamının yerinə gələr. Düz otur!
-Müəllimə, məncə “Valideynlər iclası”nın adını dəyişib “Analar iclası” qoysunlar.-deyə Zaman yeni bir şey kəşf etmiştək sevincək dilləndi.-İclasa ataların gəldiyini nə vaxt görünüb ki?
-Dəlidən doğru xəbər!-deyə Mirvari müəllimə ona baxıb başını buladı.-Nə isə, bu gün çox lağlağı elədiniz. Açın görüm, kitablarınızı.
-Müəllimə,-Mehdi yenidən dilləndi,-son bir şey də deyim, sonra keçək dərsə, nə olar?
-Yaxşı Mehdi, konkret elə, dərsin vaxından gedir.
-Guya, bayaqdan nəyin vaxtından gedirdi?-deyə Səbuhi dodağının altında mızıldandı.
-Müəllimə, biz uşaqlarla sözləşmişik, yeni il karnavalı keçirmək istəyirik. İstəyirik ki, siz də iştirak eləyəsiniz. Yeri-zadı, hər şeyi danışmışıq.
-Məndən başqa kimi dəvət eləmisiniz?
-Nə bilim.-deyə Mehdi çaşqın şəkildə ətrafına boylandı.
-Xatirə müəllimə də ola bilər.-Leyla sevincək dilləndi.
-Xəyal da...ee... Xəyal müəllim də.-İsmayıl da dilləndi.
-Elə bircə o çatmırdı.-deyə Kərəm üzünü turşutdu.
Ayan təəssüf dolu baxışlarla Kərəmə baxsa da Kərəm onu görmədi. Sonra Əliyə baxaraq əllərini x şəklində çarpazlayıb başını bulayaraq “Xatirə müəlliməni çağırmayın.”deyə işarə elədi. Onun bu işarəsini başa düşən Əli başını yelləyərək “Yaxşı.”dedi. Sonra:
-Elə bir dənə Mirvari müəllimə bəsdir.-deyə üzünü uşaqlara tutdu.
Gözlərini qıyıb fikrə gedən Mirvari müəllimə başını yelləyərək:
-Yaxşı, sağlıq olsun, gələrəm.-dedi.-İndi isə açın kitablarınızı.

Tənəffüsdə yerini bir parta geri dəyişən Yusif əllərini partanın üstündə çarpazlayaraq başını əllərinin üstünə qoymuşdu. Sevinclə söhbət eləyən Asya onu belə görüb nə olduğunu xəbər aldı. Sevinc isə xəstə olduğunu və xəstələyini onlara keçirməmək üçün arxaya keçdiyini dedi.
-Caaan,-deyərək Sevincin reaksiyasını öyrənmək üçün onun üzünə baxan Asya,-temperaturu var?-deyə soruşdu.
Çiyinlərini çəkən