tutanda.
-Var,-eynəyinin altından tərs-tərs Mehdini süzən Mirvari müəllimə yenidən vərəqə baxıb,-vərəqi tərsinə də, düzünə də tutanda birinci yeri tutan var.-dedi. Sonra üzünü Ələddinə tutub amiranə tərzdə,-Ələddin,-dedi,-heç səndən gözləməzdim. Sən ki mənim fənnimə belə yanaşdın...
-Müəllimə,-Ələddinin rəngi qaçdı,-axı mən yaxşı yazmışdım.
-Bəs mən nə deyirəm?-Mirvari müəllimə gülümsədi.-Sən ki, mənim fənnimə belə yanaşdın, halaldır sənə. Mən bilməzdim ki, sən bu məktəbdə biologiyanı hamıdan yaxşı bilirsən.
Ələddin şüursuz halda gözlərini döyüb:
-Yyəə...yəənii, mən birinci yeri tutdum?-deyə ona baxdı.
-Hə də, birinci yeri tutmusan. Təbriklər! Yanvarda ikinci turda iştirak edəcəksən.
Bir anda sinfi alqış sədaları bürüdü. Mirvari müəllimə isə əlni masaya vuraraq:
-Yaxşı, dərsdəyik, bazar yaratmayın! Sakit!-deyə qışqırdı.
-Müəllimə,-deyə Leyla həyəcanla dilləndi,-bəs qalanlar?
-Qalanlar da ki, Ayan ikinci, İsmayıl və Kənan üçüncü, Leyla isə dördüncü yer. Sevinc, Yusif, Züleyxa, bir dəki əkizlər yer tuta bilməyiblər.
İkinci yeri tutduğunu eşidən Ayanın kefi pozuldu. Balaca uşaqlartək əlləri yanaqlarına, dirsəklərini isə partaya dirəyib oturdu. Dodaqlarını büzüb yazıq baxışlarla ətrafa boylandı. Ona baxan Əli mimika ilə “Nə olub?”deyə soruşdu. Ayan məyus halda çiyinlərini çəkdi. Əli gülümsədi. Ayan indi o qədər məsum bə şirin görünürdü ki.
Tənəffüsdə İsmayıl əvvəlki yerinə-qabaq pəncərəyə yaxınlşıb dayandı. Artırmaya söykənib gözlərini lövhəyə dikmiş Sevilə baxmağa başladı. Artıq iki həftəyə yaxın idi ki, o beləcə ümidlə Sevildən cavab gözləyirdi. Səbri də tükənmək üzrə idi. “Əgər sevmirdinsə, konkret sevmirəm deyərdin də. Daha niyə canıma alırsan?”
-Sevil-deyə ona səsləndi.
-Hə?-Sevil diksinib ona baxdı.
Fikrindən keçirdiklərini dilinə gətirmək istəsə də İsmayıl yalnız:
-Zülüş niyə gəlməyib?-deyə soruşa bildi.
-Xəstədir, qrip olub.
-Hə? Allah şəfa versin.
Sevil əslində İsmayılın ondan nə soruşmaq istədiyini başa düşmüşdü. Çünki son iki həftə idi