r düşüb? Nəyi bölə bilmirdiniz?
-Müəllim,-deyəSəbuhi barmağını qaldırdı,-bunlar bizim sinfin qızına sataşırdılar.
-Necə yəni sataşırdılar?-Oqtay müəllim durub acıqlı və sual dolu baxışlarla digər oğlanları süzdü.-Ay bərəkallah, deməli sizin ananıza, bacınıza qoyduğunuz hörmət budur?
-Yox e, müəllim.-onlardan biri özünümüdafiəyə can atdı,-elə deyil.
-Bəs necədir? Bəlkə qız özü sizə sataşırdı?
Sinifdə bir tərəfdə qızlar Qəmərin başına toplaşmış, digər tərəfdə isə beş-altı oğlan davanı müzakirə eləyirdilər. Qalanları isə çöldə-direktorun otağının qabağında idi. Əsəbi hlada sinfə girən Əhməd müəllim sinfin bu halını görüb başını bulaya-bulaya:
-Bu on birlərin əlindən dərs keçmək olmur ki,-dedi, sonra üzünü Ələddinə tutub hökmlə,-Ələddin, get o birilərini də yığ, gətir!
Ələddin bir oğlanlara, bir də müəllimə baxıb ayağını çəkə-çəkə qapıya yaxınlaşdı.
-Müəllim,-Kənan dilləndi,-onlar direktorun otağının qabağındadırlar, indi gələcəklər.
-Direktorun dərsdir?-deyə Əhməd müəllim qışqırdı,-Direktor çıxıb onları orada görsə, alınlarından öpəcək? Oturun yerinizə!-sonra üzünü qərarsız şəkildə qapıda dayanmış Ələddinə tutdu,-Sən hələ buradasan? Demədim, get çağır onları?
Ələdin heç nə deməyib sinifdən çıxdı. Çox keçmədi ki, qaça-qaça qayıtdı.
-Müəllim, direktor Qəməri çağırır.-dedi
Qəmər yenə tutuldu. Qorxusundan əsməyə, ağlamsınmağa başladı. Qorxa-qorxa bir müəllimə, bir də qızlara baxdı. “Get.”deyə müəllim başı ilə işarə elədi. Ayan da onnula getmək üçün müəllimdən icazə istədi. Onlar sinifdən çıxdılar. Direktorun otağının qabağına çatanda Əli onu görüb özünü divarı digər üzünə verdi. Üst-başını düzəldib, üz-gözünü silməyə başladı. Lakin Ayan onu hələ görməmişdi. Katibə direktorun ancaq Qəməri çağırdığını deyib ayanı içəri buraxmadı. Heç on dəqiqə keçmədi ki, otaqdakılar çıxdılar. Məlum oldu ki, direktor oğalnların hər birini Qəmərdən üzr istəməyə məcbur edib.Zəng çölə vuruldu. Dəhlizlərdə yenə hərəkətlənmə, yenə səs-küy başlandı. Dərsdən çıxıb müəllimlər otağına