Beləliklə, çox keçmir ki, onların arasında xoş bir münasibət yaranır. Xatirə isə onlara baxıb həm sevinir, həm də sözün yaxşı mənasında qibtə edirdi. Bütün bu olanlar bircə Dürdanənin ürəyincə deyildi. Çünki onun elə lap əvvəldən Kəmalədən zəhləsi gedirdi, Elnurda isə əksinə, gözü var idi. Bunu Xatirə də bilirdi və daima onu təsəlli edərək özünü də ona misal göstərirdi. Lakin Elnurla Kəmalənin yaxınlaşmasna səbəb olduğu üçün Dürdanə Xatirəyə düşmən kəsilməyə başlamışdı. Üzdə biruzə verməsə də daima ondan acıq çıxmaq üçün fürsət axtarırdı. Çox keçmədi ki, fürsət özü onun ayağına gəldi. Xatirənin zəif nöqtəsi-Ülvi. Dürdanə dostuna xəyanət elədi və Ülviyə Xatirə ilə bağlı bütün bildiklərini açıb dedi. O dəqiqə də peşman oldu, çünki bu Ülvini çox da maraqlandırmırdı. Ülvi bu dövrdə xarici görkəminə və qızların qəlbini fəth etməsinə görə digər oğlanlardan seçilirdi. Olduqca yaraşıqlı olsa da beş qəpiklik insanlığı yox idi. Lovğa, hövsələsiz, davakar olması bir yana, qızlara oyuncaq, sevgiyə isə oyun kimi baxırdı. Qızlar ona tez aldanır və tez də peşman olurdular. Təbii ki, özü bununla fəxr edirdi.
Dürdanənin Üklviyə bu sirri açmasından təxminən bir-iki həftə keçdi. Ülvi sinif yoldaşları ilə mübahisəyə girdi ki, o istənilən qızın ürəyini fəth edə, onu ələ ala bilər. Dostları isə ona çox da inanmırdılar. Onlar deyirdilər ki, sənə yalnız gözəl, amma ağılsız qızlar inana bilər, ağıllı, tərbiyəli qızları heç vaxt yoldan çıxara bilməzsən. Ülvinin yadına Dürdanənin Xatirə ilə bağlı dedikləri düşdü və o hiyləyə əl atdı. Dostları ilə mərcə girdi ki,o istənilən ağıllı qızın, elə məsələn, Xatirənin ürəyini ələ ala bilər. Dostları ona güldülər və onsuz da onun uduzağını bilib mərcə razı oldular. Mərcin məbləği də pis deyildi. Müddət isə bir ay idi.
Xatirə Ülvinin ona qarşı dəyişdiyini, mehribanlaşdığını hiss eləməyə başlamışdı. Əvvəlkindən fərqli olaraq Ülvi ona tez-tez baxır, hər baxanda da gülümsəyirdi. İnanmaq istəməsə də hər şey göz qabağında idi. Ülvi ona qarşı tamamilə