ə dəyişmişdi, artıq hislərini biruzə verməyə başlamışdı. Xatirə isə özünü heç olmadığı qədər xoşbəxt hiss eləyirdi yenə də ürəyini Dürdanəyə açdı. Bunu eşidən Dürdanə ilk əvvəl Ülvinin Xatirəni həqiqətən də sevdiyindən qorxuya düşdü. Xatirədən xəbərsiz yenə də Ülvi ilə danışdı. Ülvi isə əsl məqsədinin nə olduğunu açdı. Dürdanəyə də elə bu lazım idi:gözlədiyi fürsət! Ona görə də Xatirənin hislərinə təsir eləməyə, onu ülviyə tərəf itələməyə başladı. Hər şey plan üzrə gedirdi. Xatirə artıq Ülvinin onu sevdiyindən əmin idi və o da öz hislərini bəlli etməyə başlamışdı. Ülviyə də elə bu lazım idi. Beləliklə, Dürdanənin araçılığı ilə Xatirəyə “sevdiyini”dedi və gözlədiyi qarşılığı da aldı. Hələ ki, hər şey hamının istədiyi kimi gedirdi. Ülvinin dostları isə təəccüb içində idilər. Ülvi Xatirə kimi bir qızın ürəyini fəth etməyi bacarmışdı və tezliklə mərci də udacaqdı.
Məktəb həyatının son ayı, ayrılıqlar ayı-may yetişmişdi. Bir tərəfdən sevimli müəllim və sinif yoldaşlarından ayrılacağı üçün kədərli olan Xatirə digər tərəfdən də Ülvi ilə təsəlli tapırdı. Ona elə gəlirdi ki, məktəb bitsə də onların sevgisi bitməyəcək.
Hər şey qəfil baş verdi. Günlərin birində-tənəffüsdə Ülvinin sinifdən olmadığını görən Xatirə onu axtarmaq üçün çölə çıxdı. Gözləri ilə dəhlizdə-uşaqların arasında onu axtardı, tapmayıb pilləkənə doğru getdi. Birinci mərtəbəyə çatanda Ülvinin pilləkənin altında dostları ilə danışdığını eşitdi. Eşitdi, amma eşitdiklərinə inana bilmədi:
-Nə dirəşmisiniz e? Pulumu verin də.
-Nə pul? Mərcin vaxtı hələ dolmayıb.
-Nə fərqi var? Əsas odur mən qızı toruma sala bilmişəm.
-Amma öz aramızdır, Xatirə kimi bir qızı nə ələ aldın? Halaldır!
-Alə, bəs məni nə bilmişdiniz? Xatirə kimi minini ələ alaram.-deyə Ülvi qürrələndi.
Xatirə eşitdiklərindən şoka düşmüşdü. Tez pillələri endi. Oğlanlar onun gəldiyini görüb Ülviyə göz-qaş eləyərək aralandılar. Xatirəni qarşısında görcək təəccübləndi.
-Xa...Xatirə?
-Ülvi, bu nə deməkdir?
-Nə nə deməkdir?
-Özünü bilməməzliyə