a mənfi təsirini göstərdi bvə o ilk ili ali məktəbə daxil ola bilmədi. Amma haqq da öz yerini tutdu. Əsgərlikdə ağır yaralanan Ülvi bir ay qospitalda-komada qaldı. Ardınca evləri yandı. Əsgərlikdən gələndən təxminən bir il sonra isə dostları ilə istirahət bölgələrindən birinə gedərkən yolda ağır qəzaya düşdü. Yük maşının altına girmiş maşından iki ölü, iki yaralı çıxardılar. Yaralılardan biri Ülvi idi və bu dəfə bir ay yenidən xəstəxanada qalmalı oldu. Bir ayağını amputasiya elədilər. Xatirə isə bunların heç birinə sevinmədi. Əksinə, Ülvi xəstəxanada komada yatarkən özünün psixi vəziyyəti pis olsa belə gecə-gündüz onun üçün dua elədi. Heç Dürdanə də xoşbəxt ola bilmədi. Sevmədiyi bir oğlan onu kəndə qaçırdı. Yəqin ki, bir qız üçün bundan daha pis bir cəza ola bilməzdi.”
Xatirə müəllimə qəfildən kiminsə onun qolundan yapışıb geri çəkdiyini hiss elədi. Şüursuz şəkildə ətrafına baxdı. O harada idi? Bir sürücü maşının şüşəsindən əlini çıxarıb onu məzəmmət edirdi:
-A y qız, gözünün qabağına bax da! Məni niyə xətaya salırsan?
Xatirə müəllimə yuxudan təzə ayılmış adamlartək gözünü döyə-döyə o tərəf-bu tərəfə baxırdı.
-Yaxşı dayı, gedin. Bi səhvdi olub. Fikli özündə deyildi.-Xəyal müəllim əli ilə sürücüyə getməsini işarə elədi. Digər əli ilə isə hələ də Xatirə müəllimənin qolundan tutmuşdu. Rəngi ağappaq ağarmış Xatirə müəllimə bu qədər fikrin içində köhnə univermağın qabağına, parkın yanına çatdığını hələ indi başa düşürdü. Yanında olan digər qadın onun rənginin ağardığını görüb:
-Qızım, yaxşısan?-deyə soruşdu.
Xəyal müəllim də təlaşla oan baxırdı. Xatirə məllimə heç nə deyə bilmədi, sanki dili tutulmuşdu. Birdən qulaqlarına güclü uğultu gəldi, bədənini soyuq tər basdı, hər yer qaraldı...Xatirə müəllimə özünə gələndə başını üstündə dayanıb ona təlaşla ona axan Reyhanla Ramini gördü. Təəccübünü gizlətmədən ayağa qalxmaq istədi:
-Nə olub mənə?
-Yat, yat,-deyə Reyhan onu sakitləşdirdi,-sənə indi qalxmaq olmaz.
-Bacı, yaxşısan?-Ramin əlini onun alnına