n isə əlindəkini göstərərək Xəyal müəllimin niyə gəldiyini dedi. Reyhan mətbəxə qayıtdı. Ramin Xatirə müəllimə olan otağa keçdi. Çöldəki səsləri eşidən Xatirə məllimə Ramin içəri girən kimi:
-Qaqaş, sənə zəhmət olacaq. Telefonu çıxar gör, zəng eləyən olmayıb?-dedi.
-Yaxşı bacı,-deyə çantanı masanın üstünə qoyan Ramin onun ağzını açıb biraz içini gəzdi,-sən hər gün nə qədər ksereks eləyirsən? bu nədir, çantan kağız-kuğuzla doludur ki.-təəccüblə dedi.
-Ksereks!-Xatirə müəllimənin yadına bu gün eləməli olduğu kserekslər düşdü. Yəni, Ülvi ilə qarşılaşmamışdıan əvvəl onun belə bir planı var idi. Amma alınmadı. Bəs indi Ramin nədən danışırdı?-Gətir görüm çantanı bura.
Ramin çantanı ona verib yanında dayandı. Xatirə müəllimə balışa söykənərək dikədi, çantasından bir yığın kağız çıxardı. Üzərində “3 nüsxə”, “4 nüsxə”, “5 nüsxə”yazılmış A4 vərəqlərindən əlavə onların nüsxələnmiş vərəqləri də var idi. Xatirə müəllimə təəccüb içində idi. Yəni, bunları Xəyal müəllim eləmişdi? O daha heç nə deməyib telefonunu çıxardı. Zəng yox idi. yenidən kağızlara baxdı. Üzünə xəfif bir təbəssüm yayıldı. Xəyal müəllimə acığı tutsa da bu bu gün onun başına gələn ən yaxşı hadisə idi.

Günayla Nuray bu gün də dərsdən qalmışdıalr. Çünki ataları dünən yenə də zəng eləyib keflərinə soğan doğramışdı. Stress yenə də Zümrüd xalanın təzyiqinin qalxmasına və halının pisləşməsinə səbəb olmuşdu. Qonşuların da köməyilə təcili yardım çağırmışdılar. Həkim Zümrad xalnın təzyiqini ölçmüş, dərman verərək stressdən uzaq durmağı məsləhət görmüşdü. Hələ təzəcə özünə gələn Zümrüd xala gözlərini qaldıraraq başının üstündə ayaq üstdə dayanan həkimə baxıb kinayəli təbəssümlə:
-Eh doktor,-demişdi,-mən stressdən uzaq dura bilsəydim, indi siz də burada olmazdınız.
Həkim isə bu cavab qarşısında söz tapmayıb sağollaşaraq çıxıb getmişdi.
Nuray astaca anasının otağına keçib onu yoxladı. Yatmışdı. Onu oyatmamaq üçün barmaqlarının üstündə geri qayıdıb çölə çıxdı. Ehmalca qapını örtüb mətbəxə gəldi. Nahar üçün